സാങ്കേതിക തകരാറുമൂലം തിരുവനന്തപുരം - ബെംഗളൂരു എയർ ഇന്ത്യ എക്സ്പ്രസ് വൈകുന്നു .ബുദ്ധിമുട്ടിലായി യാത്രക്കാർ ;

തിരുവനന്തപുരം: തിരുവനന്തപുരം - ബെംഗളൂരു എയർ ഇന്ത്യ എക്സ്പ്രസ് വിമാനം വൈകുന്നതുമൂലം യാത്രക്കാർ വളരെയധികം ബുദ്ധിമുട്ടിലായി .

തിരുവനന്തപുരം വിമാനത്താവളത്തിൽ നിന്ന്  പുലർച്ചെ അഞ്ച് മണിക്ക് പുറപ്പെടേണ്ടിയിരുന്ന  വിമാന സർവ്വീസാണ് സാങ്കേതിക തകരാറുമൂലം വൈകിയത് .

യാത്രക്കാരെ രണ്ടുതവണ വിമാനത്തിൽ പ്രവേശിപ്പിച്ചെങ്കിലും സാങ്കേതിക തകരാറുകൾ മൂലം വിമാനത്തിന് പുറപ്പെടാൻ കഴിഞ്ഞില്ല .

വിമാന സർവീസ് മുടങ്ങിയതിനാൽ വിദേശ രാജ്യത്തേക്കുള്ള യാത്ര  മുടങ്ങിയതായി യാത്രക്കാർ അറിയിച്ചു.

യാത്രക്കാർക്ക് നാലുമണിയ്ക്ക് മറ്റൊരു വിമാനം തയ്യാറാക്കിയിട്ടുണെന്നു അധികൃതർ അറിയിച്ചു .