സാന്ദ്രയെ കൊല്ലുമെന്ന് ഭീഷണി ; സന്ദേശം പുറത്ത്

കൊച്ചി : സാന്ദ്രാ തോമസിനെ കൊല്ലുമെന്ന് വധഭീഷണി . ഫെഫ്കയുടെ വാട്‌സ് ആപ്പ് ഗ്രൂപ്പിലാണ് ശബ്ദ സന്ദേശം പുറത്ത് വന്നത്.പ്രൊടക്ഷന്‍ കണ്‍ട്രോളര്‍ റെനി ജോസഫിനെതിരെയാണ് സാന്ദാ തോമസ് പരാതി നല്‍കിയത്. ഇപ്പോള്‍ ഫെഫ്ക വാട്‌സ് ആപ്പ് ഗ്രൂപ്പിലിട്ട ശബ്ദ സന്ദേശം പുറത്ത് വന്നിരിക്കുകയാണ്. ' സാന്ദ്ര കൂടുതല്‍ വിളയണ്ട , നീ പെണ്ണാണ് . നിന്നെ തല്ലിക്കൊന്ന് കാട്ടില്‍ കളയും . പ്രൊഡക്ഷന്‍ കണ്‍ട്രോളര്‍മാര്‍ സിനിമയില്‍ വേണ്ട എന്നു പറയാന്‍ നീ ആരാണ് ' എന്നാണ് ശബ്ദ സന്ദേശത്തിലുളളത്.പ്രൊഡക്ഷന്‍ കണ്‍ട്രോളര്‍മാര്‍ക്കെതിരെ സാന്ദ്ര നടത്തിയ പരാമര്‍ശത്തെ അവരുടെ സംഘടന വിമര്‍ശിച്ചിരുന്നു.പ്രൊടക്ഷന്‍ കണ്‍ട്രോള്‍മാരുടെ പ്രവര്‍ത്തനരീതിയില്‍ കാലോചിതമായ മാറ്റം വേണമെന്നായിരുന്നു സാന്ദ്രയുടെ പരാമര്‍ശം.ഫെഫ്കയുടെ പ്രൊഡക്ഷന്‍ എക്‌സിക്യൂട്ടീവ് യൂണിയന്‍ സാന്ദ്രയ്‌ക്കെതിരെ 50 ലക്ഷം രൂപയുടെ മാനനഷ്ടകേസും ഫയല്‍ ചെയ്തിരുന്നു.ഇതിനിടയിലാണ് റെനി ഭീഷണിപ്പെടുത്തിയത്.