/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/12/28/ri4WlfdqyZNuWN0R8wul.jpeg)
കാസര്കോട്: പുഴയിൽ കുളിക്കാനിറങ്ങിയ മൂന്ന് കുട്ടികളെ ഒഴുക്കില്പ്പെട്ട് കാണാതായി.കാസര്കോട് കാനത്തൂര് എരഞ്ഞിപ്പുഴയില് കുളിക്കാനിറങ്ങിയ റിയാസ്,യാസിന്, സമദ് എന്നീ കുട്ടികളെയാണ് കാണാതായത്. ഒരാളുടെ മൃതദേഹം കണ്ടെത്തി എരഞ്ഞിപ്പുഴ സ്വദേശി യാസിന്, സമദ് എന്നീ വിദ്യാര്ഥികള്ക്കായുള്ള തിരച്ചില് തുടരുകയാണ്. എരഞ്ഞിപ്പുഴ സ്വദേശി സിദ്ദിഖിന്റെ മകന് റിയാസിന്റെ മൃതദേഹമാണ് കിട്ടിയത്. 17 വയസ്സായിരുന്നു.
അപകടത്തില്പ്പെട്ടവർ ജ്യേഷ്ഠാനുജന്മാരുടെ മക്കളാണ്. അവധി ദിവസമായതിനാല് പുഴയില് കുളിക്കാനിറങ്ങിയ മൂവരും ആഴമുള്ള ഭാഗത്ത് എത്തിയപ്പോള് ഒഴുക്കില്പ്പെടുകയായിരുന്നു. പതിമൂന്ന് വയസ്സുകാരായ യാസിന്, സമദ് എന്നിവര്ക്കായി തിരച്ചില് പുരോഗമിക്കുകയാണ്.
റിയാസിന്റെ മൃതദേഹം കാസര്കോട് താലൂക്ക് ആശുപത്രിയിലേക്ക് മാറ്റി. ഫയര് ഫോഴ്സും നാട്ടുകാരും ചേര്ന്നാണ് തിരച്ചില് തുടരുന്നത്. ബേഡകം പൊലീസ് ഉള്പ്പടെ സ്ഥലത്ത് എത്തിയിട്ടുണ്ട്.