സംസ്ഥാനത്ത് ഇന്ന് ട്രെയിന്‍ ഗതാഗതത്തില്‍ നിയന്ത്രണം

തിരുവനന്തപുരം: സംസ്ഥാനത്ത് രണ്ട് ദിവസം ട്രെയിന്‍ ഗതാഗതത്തില്‍ നിയന്ത്രണം. ചൊവ്വ,ബുധന്‍ ദിവസങ്ങളിലാണ് ട്രെയിന്‍ ഗതാഗത്തില്‍ നിയന്ത്രണം ഏര്‍പ്പെടുത്തിയിരിക്കുന്നത്. ഓച്ചിറ, ആലപ്പുഴ എന്നിവടങ്ങളില്‍ മേല്‍പ്പാലങ്ങളുടെ അറ്റകുറ്റപണികള്‍ നടക്കുന്നതിന്റെ ഭാഗമായാണ് നിയന്ത്രണം ഏര്‍പ്പെടുത്തിയിരിക്കുന്നത്. നിയന്ത്രണങ്ങളുടെ ഭാഗമായി ചില ട്രെയിനുകള്‍ ഭാഗമികമായി റദ്ദാക്കി. ചില ട്രെയിനുകള്‍ വൈകി ഓടുമെന്നും ദക്ഷിണ റെയില്‍വേ അറിയിച്ചു. 

തിങ്കളാഴ്ച നിസാമുദ്ദീനില്‍ നിന്ന് പുറപ്പെട്ട തിരുവനന്തപുരം വീക്ക്ലി എക്സ്പ്രസ് (22654) കായംകുളത്ത് യാത്ര അവസാനിപ്പിക്കും. ചൊവ്വാഴ്ച വൈകിട്ട് നാലിന് ചെന്നൈയില്‍ നിന്ന് പുറപ്പെട്ട ചെന്നൈ- തിരുവനന്തപുരം എസി എക്സ്പ്രസ് എറണാകുളം ജങ്ഷനില്‍ യാത്ര അവസാനിപ്പിക്കും. തിരുവനന്തപുരം- ചെന്നൈ എസി എക്സ്പ്രസ് നാളെ രാത്രി 7.35ന് എറണാകുളത്ത് നിന്നായിരിക്കും പുറപ്പെടുന്നത്. 

ചൊവ്വാഴ്ച മംഗളൂരു- - തിരുവനന്തപുരം എക്സ്പ്രസ് (16348) രണ്ട് മണിക്കൂര്‍ വൈകിയാണ് ഓടുന്നത്. രാമേശ്വരം- തിരുവനന്തപുരം അമൃത എക്സ്പ്രസ്, ഗുരുവായൂര്‍- ചെന്നൈ എക്സ്പ്രസ്, നിലമ്പൂര്‍- തിരുവനന്തപുരം നോര്‍ത്ത് രാജ്യറാണി എന്നിവ ട്രെയിനുകളും രണ്ട് മണിക്കൂര്‍ വൈകും. 

ചൊവ്വാഴ്ചത്തെ  മംഗളൂരു- തിരുവനന്തപുരം മാവേലി, മംഗളൂരു- തിരുവനന്തപുരം അന്ത്യോദയ എന്നിവ ഒന്നര മണിക്കൂര്‍ വൈകും. തിരുപ്പതി- കൊല്ലം എക്സ്പ്രസ്, ചെന്നൈ- തിരുവനന്തപുരം സൂപ്പര്‍ ഫാസ്റ്റ് എന്നിവ അര മണിക്കൂറും വൈകും. ചൊവ്വാഴ്ചത്തെ മംഗളൂരു- തിരുവനന്തപുരം മലബാര്‍ 10 മിനിറ്റും ചെന്നൈ- ഗുരുവായൂര്‍ എക്സ്പ്രസ് രണ്ടര മണിക്കൂറും വൈകും. ബുധനാഴ്ച പുലര്‍ച്ചെ 3.45നുള്ള കൊല്ലം- ആലപ്പുഴ മെമു 30 മിനിറ്റ് വൈകും. 4.20ന്റെ കൊല്ലം എറണാകുളം മെമു 10 മിനിറ്റും വൈകും.