തിരുവനന്തപുരം മെഡിക്കല്‍ കോളജ് ആശുപത്രി ഫാര്‍മസിയില്‍ മരുന്ന് ക്ഷാമം: പരാതിയുമായി രോഗികള്‍

അതീവ ഗുരുതര രോഗങ്ങള്‍ക്ക് ഉള്‍പ്പെടെയുള്ള മരുന്നുകള്‍ പുറത്ത് നിന്ന് വാങ്ങേണ്ട സ്ഥിതിയാണ്. മണിക്കൂറുകള്‍ വരി നിന്ന് കൗണ്ടറില്‍ എത്തുമ്പോഴാണ് ഡോക്ടര്‍ കുറിച്ച മരുന്നുകളില്‍ പലതും ഫാര്‍മസിയില്‍ ഇല്ലെന്ന് രോഗികള്‍ അറിയുന്നത്.

author-image
Biju
New Update
sg

Trivandrum Medical College

തിരുവനന്തപുരം: ഡോക്ടര്‍മാര്‍ എഴുതുന്ന മരുന്നുകള്‍ തിരുവനന്തപുരം മെഡിക്കല്‍ കോളജ് ആശുപത്രി ഫാര്‍മസിയില്‍ സ്റ്റോക്കില്ലെന്ന പരാതിയുമായി രോഗികളും കൂട്ടിരിപ്പുകാരും. മറ്റ് ആശുപത്രികളില്‍ നിന്ന് റഫര്‍ ചെയ്‌തെത്തിയ രോഗികള്‍ക്ക് അടക്കം മരുന്നുകള്‍ ലഭിക്കുന്നില്ലെന്നാണ് പരാതി. 

വിലയേറിയ മരുന്നുകളില്‍ ഭൂരിപക്ഷവും സ്വകാര്യ മെഡിക്കല്‍ സ്റ്റോറുകളില്‍ നിന്ന് വാങ്ങേണ്ടി വരുന്നുവെന്നാണ് ആക്ഷേപം. എന്നാല്‍ ആശുപത്രി ഫാര്‍മസിയില്‍ ആഴ്ചകളായി പല മരുന്നുകളും ലഭിക്കുന്നില്ലെന്ന് ചികിത്സ തേടി എത്തുന്നവര്‍ ആരോപിക്കുന്നു. 

അതീവ ഗുരുതര രോഗങ്ങള്‍ക്ക് ഉള്‍പ്പെടെയുള്ള മരുന്നുകള്‍ പുറത്ത് നിന്ന് വാങ്ങേണ്ട സ്ഥിതിയാണ്. മണിക്കൂറുകള്‍ വരി നിന്ന് കൗണ്ടറില്‍ എത്തുമ്പോഴാണ് ഡോക്ടര്‍ കുറിച്ച മരുന്നുകളില്‍ പലതും ഫാര്‍മസിയില്‍ ഇല്ലെന്ന് രോഗികള്‍ അറിയുന്നത്. പുറമേ നിന്ന് മരുന്ന് വാങ്ങാന്‍ ചെലവാക്കേണ്ടി വരുന്ന തുക സാധാരണക്കാരെ സംബന്ധിച്ച് വളരെ വലുതാണ്. ആരോഗ്യ വകുപ്പിന്റെ അനാസ്ഥ മൂലം ഫാര്‍മസിയിലേക്കുള്ള മരുന്നുകള്‍ എത്തുന്നതില്‍ വീഴ്ചയുണ്ടെന്ന് ആരോപണമുണ്ട്.

അതേസമയം കേരള മെഡിക്കല്‍ സര്‍വീസ് കോര്‍പറേഷന്‍ വഴി (കെഎംഎസ്സി) വിതരണം ചെയ്യുന്ന എല്ലാ മരുന്നുകളും ഹാര്‍മസിയില്‍ ലഭ്യമാകുന്നതായി അധികൃതര്‍ അറിയിച്ചു. കെഎംഎസ്സി വഴി സൗജന്യമായി നല്‍കുന്ന മരുന്നുകള്‍ മുഴുവന്‍ ഫാര്‍മസിയില്‍ ലഭ്യമാണെന്നും ഇവിടെയില്ലാത്ത മരുന്നുകള്‍ മാത്രമാണ് പുറത്തേക്ക് എഴുതി നല്‍കുന്നതെന്നും ്അവര്‍ പറയുന്നു.

 

trivandrum medical college