'പോറ്റിയെ കേറ്റിയേ... സ്വർണ്ണം ചെമ്പായി മാറ്റിയേ....'; പാട്ടുപാടി പാർലമെന്റിനുമുന്നിൽ പ്രതിഷേധവുമായി യു ഡി എഫ് എംപിമാർ

ന്യൂഡൽഹി: ശബരിമല സ്വർണ്ണമോഷണത്തിൽ  പാർലമെന്റ് കവാടത്തിൽ പ്രതിഷേധവുമായി യുഡിഎഫ് എംപിമാർ .

കോടതിയുടെ മേൽനോട്ടത്തിൽ സ്വർണ്ണകവർച്ച  കേന്ദ്ര ഏജൻസി അന്വേഷിക്കണമെന്നു ആവശ്യപ്പെട്ടാണ് ഇത്തരത്തിൽ പ്രതിഷേധം സംഘടിപ്പിച്ചത് .

പത്തനംതിട്ട എംപി ആന്റോ ആന്റണിയുടെ നേതൃത്വത്തിലാണ് പ്രതിഷേധം നടന്നത് .'പോറ്റിയെ കേറ്റിയേ... സ്വർണ്ണം ചെമ്പായി മാറ്റിയേ...' എന്ന പാട്ടു പാടിക്കൊണ്ടായിരുന്നു യുഡിഎഫ് എംപിമാർ പ്രതിഷേധം നടത്തിയത് .

'അമ്പലക്കള്ളന്മാർ കടക്കു പുറത്ത്', 'ശബരിമല കള്ളന്മാർ കടക്കു പുറത്ത്' തുടങ്ങിയ മുദ്രാവാക്യങ്ങളും എംപിമാർ ഉയർത്തി.

തദ്ദേശ തെരഞ്ഞെടുപ്പ് കഴിഞ്ഞതിനു പിന്നാലെ, ശബരിമല സ്വർണ്ണകവർച്ച  ദേശീയ തലത്തിൽ തന്നെ പ്രചാരണായുധമാക്കാനാണ് യു ഡി എഫ് തീരുമാനിച്ചിരിക്കുന്നത് .