/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/02/27/5m629TUrTj9HQ3gD543b.jpg)
കൊച്ചി: കൊച്ചി മേയറെ തീരുമാനിക്കുന്നതിന് മുന്നോടിയായി എറണാകുളത്ത് ഇന്ന് കോണ്ഗ്രസ് പാര്ലമെന്ററി പാര്ട്ടി യോഗം ചേരും. കോര്പറേഷനില് ജയിച്ച കോണ്ഗ്രസ് കൗണ്സിലര്മാരില് നിന്ന് മേയര് ആരാവണം എന്നതില് അഭിപ്രായം തേടും. കെപിസിസി നിര്ദേശ പ്രകാരമാണിത്. സമവായത്തിലൂടെ തീരുമാനത്തില് എത്താനും പാര്ട്ടിയിലെ സീനിയര് നേതാക്കളെ മേയര് സ്ഥലത്തേക്ക് പരിഗണിക്കണമെന്നും കെപിസിസി സര്ക്കുലറിലുണ്ട്. നിലവില് ദീപ്തി മേരി വര്ഗീസിനാണ് സാധ്യത കൂടുതല്. രണ്ടര വര്ഷത്തെ ടേം വ്യസ്ഥയില് മിനി മോള്ക്കൊ ഷൈനി മാത്യുവിനോ നല്കണോയെന്നും ഇന്ന് ആലോചിക്കും. ഡിസംബര് 23 നുള്ളില് മേയറുടെ കാര്യത്തില് തീരുമാനം ഉണ്ടാകും എന്നാണ് പ്രതീക്ഷ. അതേസമയം,
തദ്ദേശ തെരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ നിര്ണായക യുഡിഎഫ് യോഗം ഇന്ന് കൊച്ചിയില്. നിയമസഭാ തെരഞ്ഞെടുപ്പ് ലക്ഷ്യംവച്ചുള്ള മുന്നൊരുക്കങ്ങളും തെരഞ്ഞെടുപ്പ് തന്ത്രങ്ങളുമടക്കം ഇന്നത്തെ യോഗത്തില് ചര്ച്ചയാകും. നിയമസഭാ മണ്ഡലങ്ങളെ മൂന്നായി തരം തിരിച്ച് പ്രത്യേക തെരഞ്ഞെടുപ്പ് തന്ത്രങ്ങള് ആവിഷ്കരിക്കുകയാണ് കോണ്ഗ്രസിന്റെയും യുഡിഎഫിന്റെയും പദ്ധതി. തദ്ദേശ തെരഞ്ഞെടുപ്പിലുണ്ടായ മുന്നേറ്റം
നിയമസഭയിലും ആവര്ത്തിക്കാനായി നേരത്തെ തന്നെ പ്രചാരണ രംഗത്ത് സജീവമാകാനാണ് മുന്നണിയുടെ നീക്കം. സംസ്ഥാന തെരഞ്ഞെടുപ്പ് കമ്മീഷന്റെ കണക്കുപ്രകാരം എല്ഡിഎഫിനെക്കാള് 5.3 ശതമാനം വോട്ടുകള് നേടിയാണ് യുഡിഎഫ് തിരിച്ച് വന്നിരിക്കുന്നത്. പുറത്തുനില്ക്കുന്നവരെ മുന്നണിയിലെടുക്കുന്നതടക്കം ഇന്ന് ചര്ച്ച ചെയ്യും. കളമശ്ശേറി ചാക്കോളാസ് കണ്വെന്ഷന് സെന്ററിലാണ് യുഡിഎഫ് യോഗം.