ഭീരുവിനുള്ള അവാർഡ് വി ഡി സതീശന്; മന്ത്രി മുഹമ്മദ് റിയാസ്

ഭീരുവിനുള്ള അവാർഡ് വി ഡി സതീശന്; മന്ത്രി മുഹമ്മദ് റിയാസ്പ്രതിപക്ഷ നേതാവി വി ഡി സതീശൻ ഭീരുവാണെന്ന് മന്ത്രി മുഹമ്മദ് റിയാസ്. മലപ്പുറം ജില്ലയെക്കുറിച്ച് നിയമസഭയിൽ അടിയന്തര പ്രമേയത്തിൽ ചർച്ച നടത്താൻ തീരുമാനിച്ചപ്പോൾ പ്രതിപക്ഷ നേതാവ് ഓടി ഒളിച്ചുവെന്ന് റിയാസ് കുറ്റപ്പെടുത്തി. ചർച്ച നടന്നാൽ പ്രതിപക്ഷ നേതാവിനെ ആംബുലൻസിൽ കൊണ്ട് പോകേണ്ടി വരുമായിരുന്നുവെന്നും റിയാസ് പറഞ്ഞു.

കേരളത്തിലെ ഏറ്റവും ഭീരുവായ പ്രതിപക്ഷ നേതാവിനുള്ള അവാർഡ് നൽകാൻ തീരുമാനിച്ചാൽ അതിന് ഏറ്റവും അർഹൻ വിഡി സതീശനാണെന്നും റിയാസ് പറഞ്ഞു. കേരളത്തിലെ പ്രതിപക്ഷ നേതാക്കളിൽ ഏറ്റവും ഭീരുവാണ് സതീശൻ. ഡയലോഗ് അടിക്കൻ മാത്രമേ വി ഡീ സതീശനെ കൊണ്ട് കഴിയുകയുള്ളു എന്നും സെമിനാറിൽ പങ്കെടുക്കാൻ വിടാം, എന്നാൽ, അടിയന്തര പ്രമേയത്തിൻറെ ചർച്ചയ്ക്ക് പറ്റില്ലെന്നും റിയാസ് കുറ്റപ്പെടുത്തി.

ഭീരുവിനുള്ള അവാർഡ് വി ഡീ സതീശന് കൊടുക്കാമെന്നും മുൻ പ്രതിപക്ഷ നേതാവ് രമേശ് ചെന്നിത്തല പോലും സഭ ഇന്ന് വരെ കാണാത്ത സംഭവങ്ങൾ നടന്നുവെന്ന് പറ‍ഞ്ഞുവെന്നും റിയാസ് പറഞ്ഞു. പ്രതിപക്ഷം നൽകിയ അടിയന്തര പ്രമേയ നോട്ടീസിൽ ചർച്ചയ്ക്ക് തയ്യാറാണെന്ന് മുഖ്യമന്ത്രി അറിയിച്ചശേഷം പിന്നെ പ്രതിപക്ഷ നേതാവ് ഓടിയ വഴിക്ക് പുല്ല് മുളച്ചിട്ടില്ലെന്നും റിയാസ് പരിഹസിച്ചു.