അതിതീവ്ര മഴയ്ക്ക് സാധ്യത ; കാലവര്‍ഷം രണ്ട് ദിവസത്തിനുള്ളില്‍

തിരുവനന്തപുരം : ഇന്ന് സംസ്ഥാനത്തെ എല്ലാ ജില്ലകളിലും വ്യാപകമായ മഴയ്ക്കും കാറ്റിനും സാധ്യത.കാലവര്‍ഷം രണ്ട് ദിവസത്തിനുള്ളില്‍ എത്തും.കണ്ണൂര്‍ , കാസര്‍ഗോഡ് ജില്ലകളില്‍ ഇന്ന് റെഡ് അലേര്‍ട്ടാണ് പ്രഖ്യാപിച്ചിരിക്കുന്നത്.നാളെ മലപ്പുറം,കോഴിക്കോട്,വയനാട്,കണ്ണൂര്‍,കാസര്‍ഗോഡ് ജില്ലകളില്‍ നാളെ റെഡ് അലേര്‍ട്ടാണ് . കോഴിക്കോട്,വയനാട് ,കാസര്‍ഗോഡ് ജില്ലകളില്‍ 26 ന് റെഡ് അലേര്‍ട്ട് പ്രഖ്യാപിച്ചിട്ടുണ്ട്.ശക്തമായ മഴ ലഭിക്കുന്ന മലയോര മേഖലകളില്‍ മണ്ണിടിച്ചില്‍,മലവെളളപ്പാച്ചില്‍,ഉരുള്‍പൊട്ടല്‍ സാധ്യതയുളളതിനാല്‍ ജനങ്ങള്‍ ജാഗ്രത പാലിക്കണമെന്നും അത്തരം സാധ്യതയുളള പ്രദേശങ്ങളില്‍ നിന്നും മാറി താമസിക്കണമെന്നും അറിയിച്ചിട്ടുണ്ട്.കര്‍ണാടക - ഗോവ തീരത്ത് രൂപപ്പെട്ട ന്യൂനമര്‍ദം ശക്തമായിട്ടുണ്ട്.അടുത്ത ആഴചയില്‍ കേരളത്തില്‍ കാറ്റ് ശക്തമാകും.27ന് അതിശക്തമായ മഴയ്ക്ക് സാധ്യതയുണ്ട്.0.5 മുതല്‍ 1.9 മീറ്റര്‍ വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതി പഠനകേന്ദ്രം അറിയിച്ചു.27വരെ കേരളതീരത്ത് മത്സബന്ധനത്തിന് വിലക്കുണ്ട്.