ശബരിമല സ്വർണ്ണ മോഷണത്തിൽ തിരിച്ചെത്തിച്ച ദ്വാരപാലക പാളികളും തകിടുകളും ഡ്യൂപ്ലിക്കേറ്റോ എന്ന ഗുരുതരമായ സംശയത്തിൽ വിജിലൻസ്

തിരുവനന്തപുരം: ശബരിമലയിൽ തിരിച്ചെത്തിച്ച   ദ്വാരപാലക പാളികളും തകിടുകളും ഡ്യൂപ്ലിക്കേറ്റ് ആണോ എന്ന വളരെ ഗുരുതരമായ  സംശയം പ്രകടിപ്പിച്ചു ദേവസ്വം വിജിലൻസ് റിപ്പോർട്ട്.

സ്വർണം പൂശി തിരികെ എത്തിച്ചപ്പോൾ തൂക്കം കുറഞ്ഞാണ് സംശയത്തിന് ഇടയാക്കിയ കാരണം .

ഹൈദരാബാദിൽ നാഗേഷ് എന്നയാളുടെ അടുത്ത് പാളികൾ എത്തിച്ചതിലും ദുരൂഹത ഉണ്ടെന്ന് വിജിലൻസ് സംശയം പ്രകടിപ്പിച്ചു.

ഒരു വരുമാനവും ഇല്ലാത്ത പോറ്റി തുടർച്ചയായി നടത്തിയ വഴിപാടുകളും ലക്ഷങ്ങളുടെ സംഭാവനയും സ്പോൺസർഷിപ്പും വിജിലൻസിന് സംശയകരമുണ്ട്.

ദ്വാരപാലക ശിൽപ്പങ്ങൾ ഉണ്ണികൃഷ്ണൻ പോറ്റി ചെന്നൈയിലേക്ക് കൊണ്ടുപോയത് ദേവസ്വം ബോ‍ഡിൻറെ അറിവോടെയെന്ന് വിജിലൻസ് റിപ്പോർട്ടിൽ പറയുന്നു.

 ബോർഡ് വീഴ്ചയിൽ ഗൗരവത്തോടെ അന്വേഷണം വേണമെന്ന് വിജിലൻസ് ചൂണ്ടികാട്ടിയിട്ടും എസ്.ഐടി ബോർഡിനെ പ്രതിയാക്കിയത് കട്ടിള പാളികൾ കടത്തിയ കേസിൽ മാത്രമാണ്.

ശബരിമലയിൽ സ്വർണം പൂശി തിരിച്ചെത്തിയ ദ്വാരപാലക ശില്പ പാളികൾ ഡ്യൂപ്ലിക്കേറ്റ് ആണോ എന്ന സംശയവും വിജിലൻസ് റിപ്പോർട്ടിലുണ്ട്.

അട്ടിമറി നടന്നോ എന്ന് അന്വേഷണത്തിൽ തെളിയട്ടെ എന്ന് ദേവസ്വം ബോർഡ് പ്രസിഡൻറ് പി എസ് പ്രശാന്ത് അഭിപ്രായപ്പെട്ടു .

 നിയമവിരുദ്ധമായ ഈ പ്രവൃത്തി ബോർ‍ഡ് അറിഞ്ഞില്ലെ എന്ന് കരുതാനാകില്ലെന്നും അവരുടെ പ്രേരണയോ സമ്മർദ്ദമോ, നിർദ്ദേശമോ ഇക്കാര്യത്തിൽ ഉണ്ടായി എന്നും ഗൗരവത്തോടെയ അന്വേഷിക്കണമെന്നും വിജിലൻസ് ചൂണ്ടിക്കാട്ടി, എന്നാൽ പ്രത്യേക സംഘം എഫ്ഐആർ വന്നപ്പോൾ പ്രധാന കേസായി ദ്വാരപാലക പാളികൾ കടത്തിയതിൽ ദേവസ്വം ബോർ‍ഡ് പ്രതിയല്ല. പകരം കട്ടിള പാളികൾ കടത്തിയ കേസിൽ മാത്രമാണ് ബോർഡിനെ പ്രതിയാക്കിയത് ഇത് ദുരുഹമാണെന്നും ബോർഡിനെ രക്ഷിക്കാനുള്ള നീക്കമാണെന്നുമാണ് നിയമ വിദഗ്ധർ ചൂണ്ടികാട്ടുന്നത്.