/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/2024/12/27/nRGP5PTjfxFkXKufAWwv.JPG)
തൃശൂര്: തൃശൂര് മേയര് എംകെ വര്ഗീസിനെതിരെ രൂക്ഷ വിമർശനം ഉന്നയിച്ച് സിപിഐ നേതാവും മുന് മന്ത്രിയുമായ വിഎസ് സുനില് കുമാര്. ചോറ് ഇവിടെയും കുറ് അവിടെയും ഉള്ള ആളാണ് മേയർ എന്നാണ് സുനിൽകുമാർ പറഞ്ഞത്. ക്രിസ്മസ് ദിനത്തിൽ സംസ്ഥാന അധ്യക്ഷനില് നിന്ന് മേയര് കേക്ക് സ്വീകരിച്ചത് ആസൂത്രിതമാണെന്ന് അദ്ദേഹം പറഞ്ഞു. കഴിഞ്ഞ ലോക്സഭാ തെരഞ്ഞെടുപ്പില് ബിജെപി സ്ഥാനാര്ഥിക്കായി നേരിട്ടും പരോക്ഷമായും പ്രവര്ത്തിച്ച ഇടതുമുന്നണി മേയറാണ് അദ്ദേഹം. ഇടതുമുന്നണിയുടെ ചെലവില് ഇത്തരം പ്രവര്ത്തനം നടത്തുന്നതിനോട് വ്യക്തിപരമായും രാഷ്ട്രീയമായും യോജിക്കാനാവില്ലെന്ന് സുനില് കുമാര് പറഞ്ഞു.
'ബിജെപി സംസ്ഥാന പ്രസിഡന്റിന്റെ കൈയില് നിന്നും കേക്ക് സ്വീകരിച്ചത് ആസൂത്രിതമാണ്. സുരേന്ദ്രന് കേക്ക് കൊടുത്തതിനെ താന് കുറ്റം പറയില്ല. കേരളത്തില് ഒരുപാട് മേയര്മാര് ഉണ്ടായിട്ടും തൃശൂര് മേയര്ക്ക് മാത്രമാണ് കേക്ക് കൊടുത്തത്. കേക്ക് സ്വീകരിച്ചതില് എനിക്ക് ഒരു അത്ഭുതവും തോന്നിയിട്ടില്ല. കഴിഞ്ഞ ലോക്സഭാ തെരഞ്ഞെടുപ്പില് ബിജെപി സ്ഥാനാര്ഥിക്കായി നേരിട്ടും പരോക്ഷമായും പ്രവര്ത്തിച്ച ഇടതുമുന്നണി മേയറാണ് അദ്ദേഹം. ഇടതുമുന്നണിയുടെ ചെലവില് ഇത്തരം പ്രവര്ത്തനം നടത്തുന്നതിനോട് വ്യക്തിപരമായും രാഷ്ട്രീയ പരമായും യോജിക്കാനാവില്ല'- സുനില് കുമാര് പറഞ്ഞു.
ബിജെപിയുടെ സ്നേഹ സന്ദേശ യാത്രയുടെ ഭാഗമായി ബിജെപി സംസ്ഥാന അധ്യക്ഷന് കെ സുരേന്ദ്രന് എംകെ വര്ഗീസിനെ സന്ദര്ശിച്ച് കേക്ക് കൈമാറിയിരുന്നു. ഈ സംഭവത്തിന് പിന്നാലെയാണ് മേയര്ക്കെതിരെ വിഎസ് സുനില് കുമാര് രംഗത്തെത്തിയത്. അതേസമയം കൂടിക്കാഴ്ച രാഷ്ട്രീയപരമല്ലെന്നും കെ സുരേന്ദ്രനെ സ്വീകരിച്ചത് സാമാന്യ മര്യാദയുടെ ഭാഗമാണെന്നും എംകെ വര്ഗീസ് മാധ്യമങ്ങളോട് പ്രതികരിച്ചത്. ക്രിസ്മസ് ദിവസം തന്റെ വസതിയില് ആര് വന്നാലും സ്വീകരിക്കുംകേക്ക് വാങ്ങി എന്ന് കരുതി നജ്ൻ ആ പ്രസ്ഥനത്തിന്റെ കൂടെ പോയി എന്നാണോ അർത്ഥമെന്നും അദ്ദേഹം ചോദിച്ചു.സുനിൽ കുമാറിന് എന്നോട് എന്താണിത്ര 'സ്നേഹമെന്ന്' മനസ്സിലാകുന്നില്ല. കൂടാതെ ക്രിസ്മസ് സ്നേഹത്തിന്റെ ദിവസമാണെന്നും മറ്റൊരു ചിന്തയും ഇല്ലെന്നും വര്ഗീസ് പറഞ്ഞു.