രാഹുല്‍ എവിടെ? കീഴടങ്ങുമെന്ന് അഭ്യൂഹം, ഹോസ്ദുര്‍ഗ് കോടതി പരിസരത്ത് പൊലീസ്

കാസര്‍കോട്: രാഹുല്‍ മാങ്കൂട്ടത്തില്‍ കോടതിയില്‍ ഹാജരാകുമെന്ന് അഭ്യൂഹം. തുടര്‍ന്ന് ഹോസ്ദുര്‍ഗ് കോടതി പരിസരത്ത് പൊലീസിനെ വിന്യസിച്ചു. മുന്‍കൂര്‍ ജാമ്യഹര്‍ജി തള്ളിയതിനു പിന്നാലെ രാഹുല്‍ കോടതിയില്‍ ഹാജരാകാന്‍ സാധ്യതയുണ്ടെന്ന നിഗമനത്തെ തുടര്‍ന്നാണ് പൊലീസിനെ വിന്യസിച്ചത്. നിലവില്‍ പൊലീസില്‍ ഒരു വിഭാഗത്തെ കോടതി പരിസരത്ത് നിന്ന് പിന്‍വലിച്ചിട്ടുണ്ട്. 

ഡിവൈഎസ്പിയുടെ നേതൃത്വത്തിലാണ് പൊലീസ് കോടതി പരിസരത്ത് നിലയുറപ്പിച്ചത്. പൊലീസ് എത്തിയതോടെ ഡിവൈഎഫ്‌ഐ, ബിജെപി പ്രവര്‍ത്തകരും കോടതി പരിസരത്ത് തടിച്ചുകൂടി.