/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/U548qFdyUCkBbwjPEczY.jpg)
സ്ത്രീകള്ക്ക് പ്രാതിനിധ്യം നല്കാത്ത താരസംഘടന അമ്മയുടെ ഭാരവാഹിപ്പട്ടിക വലിച്ചെറിയണമെന്ന് സിപിഎം കേന്ദ്രകമ്മിറ്റി അംഗം പി കെ ശ്രീമതി. അമ്മയ്ക്ക് പെണ്മക്കളില്ലെന്ന് പണ്ടേ പറഞ്ഞതാണ്. ഹേമ കമ്മിറ്റി റിപ്പോര്ട്ടില് സര്ക്കാര് ഗൗരവത്തിലുളള നടപടിയെടുക്കണമെന്നും മൊഴികളുടെ അടിസ്ഥാനത്തില് കേസെടുക്കാമോ എന്ന് നിയമോപദേശം തേടണമെന്നും ശ്രീമതി കണ്ണൂരില് പറഞ്ഞു.
അതേസമയം, ഹേമ കമ്മിറ്റി റിപ്പോര്ട്ടില് ഒരു പൂഴ്ത്തലും ഉണ്ടായിട്ടില്ലെന്ന് മുഖ്യമന്ത്രി പിണറായി വിജയന് വ്യക്തമാക്കിയിരുന്നു. ഹേമ കമ്മറ്റി റിപ്പോര്ട്ടില് പലരുടെയും സ്വകാര്യതയെ ബാധിക്കുന്ന പരാമര്ശങ്ങള് ഉള്ളതിനാല് പുറത്ത് വിടാന് പാടില്ല എന്ന് ആവശ്യപ്പെട്ട് കൊണ്ട് ജസ്റ്റിസ് ഹേമ തന്നെ സര്ക്കാരിന് 2020 ഫെബ്രുവരി 19ന് കത്ത് നല്കിയിരുന്നു.
അന്നത്തെ സാംസ്കാരിക വകുപ്പ് പ്രിന്സിപ്പള് സെക്രട്ടറിക്കാണ് ജസ്റ്റിസ് ഹേമ ഇത്തരത്തില് ഒരു കത്ത് നല്കിയത്. തങ്ങളുടെ കമ്മറ്റി മുന്പാകെ സിനിമാ മേഖലയിലെ ചില വനിതകള് നടത്തിയത് തികച്ചും രഹസ്യാത്മകമായ വെളിപ്പെടുത്തലുകള് ആണ്. ആയതിനാല് യാതൊരു കാരണവശാലും താന് അടങ്ങുന്ന കമ്മറ്റി തയ്യാറാക്കിയ റിപ്പോര്ട്ട് പുറത്ത് വിടാന് പാടില്ല എന്ന് ജസ്റ്റിസ് ഹേമ കത്തില് ആവര്ത്തിച്ച് ആവശ്യപ്പെട്ടിരുന്നു.