മധ്യപ്രദേശിൽ റോഡ് തകർന്ന് 30 അടി താഴ്ചയുള്ള ഗർത്തം രൂപപ്പെട്ടു' വാഹനങ്ങൾ കടന്നുപോകാത്തതു കൊണ്ട് തന്നെ അപകടം ഒഴിവായി

ഭോപ്പാൽ ;തിങ്കളാഴ്ച ഉച്ചകഴിഞ്ഞപ്പോൾ മധ്യപ്രദേശിലെ ഒരു ഗ്രാമത്തിനടുത്തുള്ള റോഡിന്റെ ഒരു പ്രധാന ഭാഗം ഇടിഞ്ഞുവീഴുകയും  30 അടി താഴ്ചയുള്ള ഗർത്തം രൂപപ്പെടും ചെയ്തു .

മണ്ഡിദീപിൽ നിന്ന് ഇംത്ഖേഡിയിലേക്കുള്ള പാലത്തിന് സമീപം ഉച്ചയ്ക്ക് 12 നും 1 നും ഇടയിൽ ആണ്റോഡിന്റെ  ഏകദേശം 100 മീറ്ററോളം ഇടിഞ്ഞുവീണത് .ഭാഗ്യവശാൽ, ആ സമയത്ത് വാഹനങ്ങളൊന്നും  അതുവഴി കടന്നുപോകാത്തതുകൊണ്ടു തന്നെ ആർക്കും പരിക്കില്ല.

വളരെ വലിയ ഒരു അപകടം തന്നെയാണ് ആളപായം ഒന്നും ഇല്ലാത്തതുകൊണ്ട് തന്നെ ഒഴിവായത് .ഒരു പതിറ്റാണ്ട് മുമ്പ് നിർമ്മിച്ച പാലത്തിന്റെ  അപകടകരമായ അവസ്ഥയെക്കുറിച്ചും സംസ്ഥാന പാത നിർമ്മാണത്തിന്റെ ഗുണനിലവാരമില്ലായ്മയെക്കുറിച്ചും  ആശങ്കകൾ ഉയർത്തിക്കൊണ്ട് സംരക്ഷണഭിത്തി തകർന്നതായി കാണിക്കുന്ന ഒരു വീഡിയോ സോഷ്യൽ മീഡിയയിൽ വൈറലായികൊണ്ടിരിക്കുകയാണ് .

2013 ൽ നിർമ്മിച്ച പാലം, കരാർ ബാധ്യതകൾ നിറവേറ്റുന്നതിൽ പരാജയപ്പെട്ടതിന് നിർമ്മാണ കമ്പനിയായ മെസ്സേഴ്സ് ട്രാൻസ്ട്രോയ് പ്രൈവറ്റ് ലിമിറ്റഡിന്റെ ടെൻഡർ 2020 ൽ റദ്ദാക്കുകയും  അതിനുശേഷം, ഇതുവരെ ഒരു ഏജൻസിയും ഈ പാതയുടെ അറ്റകുറ്റപ്പണികൾക്ക് ഔദ്യോഗികമായി ഉത്തരവാദിത്തം ഏറ്റെടുത്തിട്ടില്ല  എന്നതും വളരെ വസ്തുതാപരമായ കാര്യം ആണ് .

ഡ്രെയിനേജ് തകരാറോ, ഘടനാപരമായ ബലഹീനതയോ, പരിശോധനയുടെ അഭാവമോ മൂലം  മതിലിന്  കേടുപാടുകൾ സംഭവിച്ചതാണോ എന്ന് എഞ്ചിനീയർമാർ വളരെ വിശദമായി തന്നെ പരിശോധിക്കുകയാണ് .

അന്വേഷണ റിപ്പോർട്ടിൽ അശ്രദ്ധയോ ക്രമക്കേടുകളോ കണ്ടെത്തിയാൽ, ഉത്തരവാദികൾക്കെതിരെ കർശന നടപടികൽ  സ്വീകരിക്കുമെന്നു  എംപിആർഡിസി വക്താവ് പറഞ്ഞു

.തകർച്ചയുടെ കൃത്യമായ കാരണം കണ്ടെത്തി അതിന്റെ കണ്ടെത്തലുകൾ സർക്കാരിന് സമർപ്പിക്കാൻ കമ്മിറ്റിയെ ചുമതലപ്പെടുത്തിയിട്ടുണ്ട്.

 ഈ സംഭാവത്തോടുകൂടി  മധ്യപ്രദേശിലെ റോഡ് നിർമ്മാണത്തിന്റെ ഗുണനിലവാരത്തെക്കുറിച്ചുള്ള ചർച്ച വീണ്ടും ആരംഭിച്ചു. മൂന്ന് മാസം മുമ്പ് പൊതുമരാമത്ത് വകുപ്പ് (പിഡബ്ല്യുഡി) മന്ത്രി രാകേഷ് സിംഗ് നടത്തിയ വിവാദ പ്രസ്താവന വിമർശകർ ഓർമ്മിപ്പിച്ചു:

"ഒരിക്കലും കുഴികളില്ലാത്ത ഒരു റോഡിന് ഉറപ്പുനൽകാൻ കഴിയുന്ന ഒരു സാങ്കേതികവിദ്യയും ഇതുവരെ വികസിപ്പിച്ചിട്ടില്ല. റോഡുകൾ ഉള്ളിടത്തോളം കാലം കുഴികൾ നിലനിൽക്കും." വളരെയധിയകം വിമർശനങ്ങൾ ഏറ്റു വാങ്ങേണ്ടി വന്ന ഒരു ആശങ്കാജനകമായ വിവാദ പ്രസ്താവനയാണ് മന്ത്രിയുടെ ഭാഗത്തു നിന്ന് ഉണ്ടായത്.