മകരസംക്രാന്തിയ്ക്ക് പട്ടം പറത്തുന്നതിന്റെ രഹസ്യമറിയാമോ

ദക്ഷിണേന്ത്യയില്‍ മകരവിളക്ക് മഹോത്സവം ആഘോഷിക്കുമ്പോള്‍ ഉത്തരേന്ത്യയില്‍ മകരസംക്രാന്തിയോടനുബന്ധിച്ച് ഗംഗാസ്‌നാനം ഏറെ പ്രധാനമാണ്. ഇന്ത്യയൊട്ടാകെ ആഘോഷിക്കുന്ന ഒരു ഉത്സവമാണ് മകരസംക്രാന്തി.

ഗ്രിഗോറിയന്‍ കലണ്ടര്‍ അനുസരിച്ച് ആഘോഷിക്കുന്ന, വര്‍ഷത്തിലെ ആദ്യത്തേതും എന്നാല്‍ പ്രധാനപ്പെട്ടതുമായ ഹിന്ദു ഉത്സവമാണ് മകരസംക്രാന്തി. ദക്ഷിണായനത്തില്‍നിന്നും ഉത്തരായനത്തിലേയ്ക്കുള്ള സൂര്യഭഗവാന്റെ സഞ്ചാരത്തിന് ആരംഭം കുറിക്കുന്ന ദിവസമാണ് മകരസംക്രാന്തിയായി ആഘോഷിക്കുന്നത്.

മകരമാസത്തിന്റെ തുടക്കത്തില്‍ മുന്‍പ് ഉത്തരായനം ആരംഭിച്ചിരുന്നത്. ഭാരതത്തിലുടനീളം ജനുവരി 14 അല്ലെങ്കില്‍ 15ന് മകരസംക്രാന്തി ആഘോഷിക്കുന്നു.

ഈ ദിവസം പ്രത്യേക ഭക്ഷണം, അതായത് എള്ളും ശര്‍ക്കരയും ചേര്‍ന്ന മധുരങ്ങള്‍ തയ്യാറാക്കുന്നതോടൊപ്പം ദാനധര്‍മ്മങ്ങള്‍ക്കും ഏറെ പ്രാധാന്യം നല്‍കുന്നു. രാജ്യത്തിന്റെ ചില ഭാഗങ്ങളില്‍ മകരസംക്രാന്തിയ്ക്ക് പട്ടം പറത്തുന്ന പതിവ് ഉണ്ട്.

ഐതിഹ്യം

മകരസംക്രാന്തി ദിനത്തില്‍ പട്ടം പറത്തുന്നതിന് പിന്നിലും ഒരു ഐതീഹ്യമുണ്ട്. ഐതീഹ്യമനുസരിച്ച് മകരസംക്രാന്തി ദിനത്തില്‍ ശ്രീരാമന്‍ ആകാശത്ത് പട്ടം പറത്തി. കൂടാതെ, ശ്രീരാമന്‍ പറത്തിയ പട്ടം ഇന്ദ്രലോകത്തേക്ക് പോയതായും പറയപ്പെടുന്നു.

മകരസംക്രാന്തി ദിനത്തില്‍ പട്ടം പറത്തുന്നതിന്റെ കാരണം ഇതാണ്. ഈ ഐതീഹ്യം പിന്തുടര്‍ന്നാണ് മകര സംക്രാന്തിയ്ക്ക് പട്ടം പറത്തല്‍ സമ്പ്രദായം തുടങ്ങിയത്.മകരസംക്രാന്തി നാളില്‍ സൂര്യരശ്മികള്‍ ശരീരത്തിന് അമൃത് പോലെയാണ് എന്നാണ് പറയപ്പെടുന്നത്.

ഇത് വിവിധ രോഗങ്ങളെ സുഖപ്പെടുത്താന്‍ സഹായിക്കുന്നു. അതിനാല്‍, ഈ ദിവസം പട്ടം പറത്തുന്നതിലൂടെ, ഒരു വ്യക്തി സൂര്യരശ്മികള്‍ അമിതമായി ആഗിരണം ചെയ്യുന്നു. അതുവഴി നിങ്ങളുടെ ശരീരത്തിലെ വിറ്റാമിന്‍ ഡിയുടെ കുറവ് നികത്തപ്പെടുന്നു.

ഇതോടൊപ്പം വിവിധ തരത്തിലുള്ള രോഗങ്ങളും തടയപ്പെടുന്നു. മകരസക്രാന്തി ദിനത്തില്‍ ഒരു പട്ടം പറത്തുകയാണെങ്കില്‍, ഒരു വ്യക്തിക്ക് സൂര്യനില്‍ നിന്ന് കൂടുതല്‍ ശക്തി ലഭിക്കുന്നു, കാരണം സൂര്യപ്രകാശം ശൈത്യകാലത്ത് ആരോഗ്യത്തിന് ഉപയോഗപ്രദമാണ്.

പട്ടം പറത്തുമ്പോള്‍ തലച്ചോറ് മാത്രമല്ല, വ്യക്തി ശരീരവും കൈകളും ഉപയോഗിക്കുന്നു. പട്ടം പറത്തല്‍ ശാരീരിക വ്യായാമമാണ്.