അഷ്ട ഐശ്വര്യങ്ങള്‍ക്ക് അഷ്ടഗോപാലമന്ത്രജപം

മഹാവിഷ്ണുവിന്‍റെ അവതാരമാണ് ഭഗവാന്‍ ശ്രീകൃഷ്ണന്‍. ഭഗവത് പ്രീതിക്ക് എട്ടു ഗോപാലമന്ത്രങ്ങള്‍ ജപിക്കുന്നത് ഉത്തമമാണ്. അഷ്ടഗോപാല മന്ത്രങ്ങളും ജപഫലങ്ങളും ചുവടെ :

1. ആയുര്‍ ഗോപാലം:
ദേവകീസുത ഗോവിന്ദ വാസുദേവ ജഗത്പതേ/
ദേഹിമേ ശരണം കൃഷ്ണ ത്വാമഹം ശരണം ഗതഃ//

മന്ത്രസാരം: ദേവകിയുടെയും വസുദേവരുടെയും പുത്രനും ജഗത്പതിയുമായ അല്ളയോ ഗോവിന്ദാ/ കൃഷ്ണ! ഞാന്‍ അങ്ങയെ ശരണം പ്രാപിച്ചിരിക്കുന്നു. എനിക്ക് ശരണം നല്‍കിയാലും.

ജപഫലം : ദീര്‍ഘായുസ്സ്, രോഗശമനം, അപമൃത്യുവില്‍ നിന്നുള്ള സംരക്ഷണം .

2. സന്താന ഗോപാലം:

ദേവകീസുത ഗോവിന്ദ വാസുദേവ ജഗത്പതേ/
ദേഹിമേ തനയം കൃഷ്ണ ത്വാമഹം ശരണം ഗതഃ//

മന്ത്രസാരം: ദേവകിയുടെയും വസുദേവരുടെയും പുത്രനും ജഗത്പതിയുമായ അല്ളയോ ഗോവിന്ദാ/ കൃഷ്ണ! ഞാന്‍ അങ്ങയെ ശരണം പ്രാപിച്ചിരിക്കുന്നു. എനിക്ക് പുത്രനെ നല്‍കിയാലും.

ജപഫലം: സന്താന ലബ്ധി. സന്തങ്ങളെക്കൊണ്ടുള്ള അനുഭവഗുണ വര്‍ദ്ധനവ് , സന്താനങ്ങള്‍ക്ക് പുരോഗതി

3. രാജഗോപാലം:

കൃഷ്ണ കൃഷ്ണ മഹായോഗിന്‍ ഭക്താനാം അഭയംകര
ഗോവിന്ദ പരമാനന്ദ സര്‍വ്വം മേ വശമാനായ.

മന്ത്രസാരം: മഹായോഗിയും ഭക്തന്മാര്‍ക്ക് അഭയം നല്‍കുന്നവനും ഗോവിന്ദനും പരമാനന്ദ രൂപിയുമായ അല്ളയോ കൃഷ്ണാ! എല്ളാം എനിക്ക് അധീനമാകട്ടെ..

ജപഫലം: സന്പല്‍ സമൃദ്ധി, വശ്യം. തൊഴില്‍ പരമായ പുരോഗതി , മികച്ച തൊഴില്‍ ലാഭം .

4. ദശാക്ഷരീ ഗോപാലം

ഗോപീ ജന വല്ളഭായ സ്വാഹ

മന്ത്രസാരം:ഗോപീ ജനങ്ങളുടെ നാഥനായി കൊണ്ട് സമര്‍പ്പണം

ജപഫലം: അഭീഷ്ടസിദ്ധി, പൊതു രംഗത്ത് വിജയം, വശ്യം, മികച്ച വിവാഹ ലാഭം .

5. വിദ്യാ ഗോപാലം

കൃഷ്ണ കൃഷ്ണ ഹരേ കൃഷ്ണ സര്‍വജ്ഞ്ത്വം പ്രസീദമേ/
രമാ രമണ വിശ്വേശ വിദ്യാമാശു പ്രയച്ഛമേ//

മന്ത്രസാരം: ലക്ഷ്മീപതിയും ലോകനാഥനും സര്‍വജ്ഞനുമായ അല്ളയോ കൃഷ്ണാ എനിക്ക് വേഗത്തില്‍ വിദ്യ നല്‍കിയാലും.

ജപഫലം: വിദ്യാലാഭം, ഉന്നത വിദ്യ, പഠന മികവ് , ബുദ്ധികൂര്‍മ്മതയില്‍ വര്‍ദ്ധനവ്

6. ഹയഗ്രീവ ഗോപാലം

ഉദ്ഗിരിത് പ്രണവോദ്ഗീത സര്‍വ്വ വാഗീശ്വരേശ്വര
സര്‍വ്വ വേദമ: ചിന്ത്യ സര്‍വ്വം ബോധയ: ബോധയ:

മന്ത്രസാരം: പ്രണവമാകുന്ന ഉദ്ഗീഥനം ഉരുവിട്ട് കൊണ്ടിരിക്കുന്നവനേ! എല്ളാ അറിവുകളുടെയും അധിപതേ! എല്ളാ വേദങ്ങളോടും കൂടിയവനേ! ധ്യാനിക്കേണ്ടവനേ! എല്ളാം എനിക്ക് മനസ്സ
ിലാക്കി തരിക.

ജപഫലം: സര്‍വ്വജ്ഞാന ലബ്ധി, ധിഷണാശക്തിയുടെ വര്‍ദ്ധനവ് , വാക് ചാതുര്യം

7. മഹാബല ഗോപാലം

നമോ വിഷ്ണവേ സുരപതയേ
മഹാബലായ സ്വാഹ:

മന്ത്രസാരം: സുരപതിയും മഹാബലശാലിയും ദേവരാജാവുമായ വിഷ്ണുവിന് നമസ്കാരം സമര്‍പ്പണം.

ജപഫലം: ശക്തി വര്‍ദ്ധന, മനോബല വര്‍ദ്ധന

8 ദ്വാദശാക്ഷര ഗോപാലം

ഓം നമോ ഭഗവതേ വാസുദേവായ

മന്ത്രസാരം: ഭഗവാനായ ശ്രീ കൃഷ്ണനായി കൊണ്ട് നമസ്കാരം

ജപഫലം: ചതുര്‍വിധമായ (ധര്‍മ്മാര്‍ത്ഥ കാമ മോക്ഷ) പുരുഷാര്‍ത്ഥ ലബ്ധി , മോക്ഷ പ്രാപ്തി