മംഗല്യ സിദ്ധിക്കായി തിങ്കളാഴ്ച വ്രതം; വെള്ളിയാഴ്ച വ്രതം സമൃദ്ധിക്ക്

ആഗ്രഹങ്ങളെ നിയന്ത്രിച്ച് നിര്‍ത്തി ചിട്ടയായ ജീവിതരീതിയില്‍ ജീവിക്കാന്‍ മനുഷ്യനെ പ്രാപ്തനാക്കുക എന്ന സദുദ്ദേശ്യമാണ് വ്രതങ്ങള്‍ അനുഷ്ഠിക്കുന്നതിലുളളത്.

 ഞായറാഴ്ച വ്രതം  

ആദിത്യപ്രീതിക്കാണ് ഞായറാഴ്ച വ്രതം അനുഷ്ഠിക്കുന്നത്. ത്വക് രോഗങ്ങളും നേത്രരോഗങ്ങളും മാറ്റാനാണ് ഈ വ്രതം നോല്‍ക്കുന്നത്.

ഏവര്‍ക്കും കൂടുതല്‍ പരിചയമുളള വ്രതങ്ങളില്‍ ഒന്നാണ് തിങ്കളാഴ്ച വ്രതം. ശിവപ്രീതിക്കാണ് ഈ വ്രതം നോല്‍ക്കുന്നത്. മംഗല്യസിദ്ധിക്കായി കന്യകമാര്‍ നോല്‍ക്കുന്നതാണ് തിങ്കളാഴ്ച വ്രതം.

 ചൊവ്വാഴ്ച വ്രതം  

ദേവീപ്രീതിക്കായി നടത്തുന്ന വ്രതമാണ്. ജാതകത്തില്‍ ചൊവ്വാ ദോഷമുളളവര്‍ ചൊവ്വാഴ്ച വ്രതം അനുഷ്ഠിക്കണം എന്നാണ് പറയുന്നത്.

 ബുധനാഴ്ച വ്രതം

വിദ്യാലാഭ സിദ്ധിക്ക് ബുധനാഴ്ച വ്രതം അനുഷ്ഠിക്കുന്നത് ഉത്തമമായി പറയുന്നു. ബുധഗ്രഹത്തിനാണ് ഈ വ്രതനാളില്‍ പ്രാധാന്യം.

 വ്യാഴാഴ്ച വ്രതം  

വിഷ്ണുപ്രീതിക്കായി അനുഷ്ഠിക്കുന്ന വ്രതമാണ്. വ്യാഴം ദശാകാലമുളളവര്‍ വ്യാഴാഴ്ച വ്രതം അനുഷ്ഠിക്കുന്നതും ശ്രേയസ്സിനു കാരണമാകുന്നു. വിഷ്ണു ക്ഷേത്രത്തില്‍ തൊഴുന്നതും വിഷ്ണുസഹസ്രനാമം ജപിക്കു ന്നതും ഭഗവാന്റെ ഇഷ്ടവഴിപാടായ തൃക്കൈവെണ്ണ നടത്തുന്നതിനും വ്യാഴാഴ്ച ദിവസം ഉത്തമമാണ്.

വെളളിയാഴ്ച വ്രതം

അന്നപൂര്‍ണേശ്വരി, മഹാലക്ഷ്മി എന്നിവര്‍ക്കായിട്ടാണ് വെളളിയാഴ്ച വ്രതം കൂടുതലായി എടുക്കുന്നത്. മംഗല്യസിദ്ധിക്കും ധനധാന്യസമ്പല്‍ സമൃദ്ധി ക്കുമാണ് സ്ത്രീകള്‍ ഈ വ്രതം അനുഷ്ഠിക്കേണ്ടത്.

 ശനിയാഴ്ച വ്രതം

ശനി മാറാന്‍ ശനിയാഴ്ച വ്രതം നോല്‍ക്കണം. ശനിദശാകാലമുളളവര്‍ മുഖ്യമായും ശനിയാഴ്ച വ്രതം അനുഷ്ഠിക്കേണ്ടതായി പറയപ്പെടുന്നു.