ഇന്ന് ഹനുമാൻ ജയന്തി

ചില പഞ്ചാംഗങ്ങളനുസരിച്ച് ഹനുമാന്‍റെ ജന്മതിഥി ആശ്വിന മാസത്തിലെ കറുത്ത പക്ഷം ചതുർദശിയിലാണ്. എന്നാൽ വിശ്വാസമനുസരിച്ച് എല്ലാ വർഷവും ചൈത്ര മാസത്തിലെ പൗർണ്ണമി ദിനത്തിലാണ് ഹനുമാൻ ജയന്തിയായി ആഘോഷിക്കുന്നത്. ചൈത്ര പൂർണിമ ദിനമാണ് ഹനുമാൻ ജനിച്ചത്. ഈർഷം ഹനുമാൻ ജയന്തി വരുന്നത് ഏപ്രിൽ 8 ആയ ഇന്നാണ്. ’ഹനുമാൻ ജയന്തി’ ദിവസം ഹനുമത് തത്ത്വം ഭൂമിയിൽ മറ്റു ദിവസങ്ങളേക്കാൾ 1000 മടങ്ങ് കൂടുതൽ പ്രവർത്തനക്ഷമമായിരിക്കും. ആ ദിവസം ’ശ്രീ ഹനുമതേ നമഃ’ എന്ന നാമജപവും പ്രാർഥനയും മറ്റ് ഉപാസനകളും കൂടുതലായി ചെയ്യുകയാണെങ്കിൽ ഹനുമത് തത്ത്വത്തിന്‍റെ ഗുണം നമുക്കു ലഭിക്കുന്നു. ഹനുമാൻ ജയന്തി ദിനത്തിൽ ക്ഷേത്രത്തിൽ സൂര്യോദയത്തിനു മുന്പു തന്നെ കീർത്തനങ്ങൾ ആരംഭിക്കുന്നു. സൂര്യോദയത്തിന് ഹനുമാൻ ജനിക്കുന്നു. ആ സമയത്ത് കീർത്തനങ്ങൾ നിർത്തി എല്ലാവർക്കും പ്രസാദ വിതരണം ചെയ്യുന്നു.