ഹീറോ ഡെസ്റ്റിനി പ്രൈം ഇന്ത്യയില്‍ അവതരിപ്പിച്ചു. ഇതിന്റെ എക്‌സ്-ഷോറൂം വില 71,499 രൂപയാണ്.ഡെസ്റ്റിനി 125 XTEC-നേക്കാള്‍ 6,880 രൂപ കുറവാണ് ഇതിന്.125 സിസി സ്‌കൂട്ടറിന്റെ താങ്ങാനാവുന്ന പതിപ്പാണിത്. ഡെസ്റ്റിനിയുടെ പഴയ പതിപ്പിന് സമാനമായ രീതിയിലാണ് സ്‌കൂട്ടര്‍ രൂപകല്‍പ്പന ചെയ്തിരിക്കുന്നത്, എന്നാല്‍ ഡെസ്റ്റിനി XTEC-യുടെ ചില സവിശേഷതകള്‍ നഷ്ടപ്പെടുത്തുകയും ചെയ്തിട്ടുണ്ട്. പേള്‍ സില്‍വര്‍ വൈറ്റ്, നെക്‌സസ് ബ്ലൂ, നോബല്‍ റെഡ് എന്നീ മൂന്ന് കളര്‍ ഓപ്ഷനുകളില്‍ സ്‌കൂട്ടര്‍ ലഭ്യമാണ്.

അതെസമയം xtec ല്‍ വാഗ്ദാനം ചെയ്യുന്ന ബ്ലൂടൂത്ത് കണക്റ്റിവിറ്റി ഡെസ്റ്റിനി പ്രൈമിന് നഷ്ടമായി. കാഴ്ചയില്‍, ഹാലൊജന്‍ ഹെഡ്ലാമ്പ് (എല്‍ഇഡി ഹെഡ്ലാമ്പ് ലഭിക്കുന്ന XTEC-ല്‍ നിന്ന് വ്യത്യസ്തമായി), ഗ്രാബ്-റെയില്‍, ബോഡി-നിറമുള്ള മിററുകള്‍ എന്നിവ പോലുള്ള സ്‌കൂട്ടറിന്റെ മുന്‍ തലമുറയില്‍ നിന്ന് ഹീറോ ഡെസ്റ്റിനി പ്രൈം നിരവധി സ്‌റ്റൈലിംഗ് സൂചനകള്‍ കടമെടുക്കുന്നു.

അലോയ് വീലുകളുമായി വരുന്ന XTEC-ല്‍ നിന്ന് വ്യത്യസ്തമായി 10 ഇഞ്ച് സ്റ്റീല്‍ വീലുകളാണ് പ്രൈമിന് ലഭിക്കുന്നത്. ഡിജിറ്റല്‍ അനലോഗ് സ്പീഡോമീറ്റര്‍, സ്റ്റോറേജ് കമ്പാര്‍ട്ട്‌മെന്റില്‍ ചാര്‍ജിംഗ് പോര്‍ട്ട്, എല്‍ഇഡി ഗൈഡ് ലാമ്പുകള്‍ എന്നിവയാണ് സ്‌കൂട്ടറിലെ ചില സവിശേഷതകള്‍. XTEC-ല്‍ വാഗ്ദാനം ചെയ്യുന്ന ബ്ലൂടൂത്ത് കണക്റ്റിവിറ്റി സ്‌കൂട്ടറിന് നഷ്ടമായി.

സൈക്കിള്‍ ഭാഗങ്ങളുടെ കാര്യത്തില്‍, സ്‌കൂട്ടറിനെ മുന്‍വശത്തെ ടെലിസ്‌കോപ്പിക് ഫോര്‍ക്കും പിന്നിലെ മോണോഷോക്ക് സജ്ജീകരണവും സസ്‌പെന്‍ഡ് ചെയ്തിട്ടുണ്ട്. സ്‌കൂട്ടറിന്റെ രണ്ടറ്റത്തും ഡ്രം ബ്രേക്കുകളാണ് ബ്രേക്കിംഗ് ചുമതലകള്‍ കൈകാര്യം ചെയ്യുന്നത്.

പവര്‍ട്രെയിനിലേക്ക് വരുമ്പോള്‍, 9 bhp യും 10.36 Nm ടോര്‍ക്കും പരമാവധി ഉത്പാദിപ്പിക്കുന്ന 124.6 സിസി എയര്‍ കൂള്‍ഡ് എഞ്ചിനാണ് സ്‌കൂട്ടറിന് കരുത്തേകുന്നത്. ഡെസ്റ്റിനി പ്രൈമിന് ശരാശരി 56കിമി ആണ് ഹീറോ അവകാശപ്പെടുന്നത്. അഞ്ച് ലിറ്ററാണ് സ്‌കൂട്ടറിന്റെ ഇന്ധന ടാങ്ക് കപ്പാസിറ്റി.