ഹോണ്ടയുടെ ദി പെർഫെക്‌ട് സെഡാൻ; സിറ്റി ഫേസ്‌ലിഫ്റ്റ് എത്തി

ഹോണ്ട കാർസ് ഇന്ത്യയുടെ മുൻനിര സെഡാൻ കാർ ഹോണ്ട സിറ്റിയുടെ പുതിയ ഫെയ്‌സ്‌ലിഫ്റ്റ് മോഡൽ വിപണിയിൽ അവതരിപ്പിച്ചു.ആകർഷകമായ രൂപവും കരുത്തുറ്റ എഞ്ചിനും നൂതനമായ ഫീച്ചറുകളും കൊണ്ട് സജ്ജീകരിച്ചിരിക്കുന്ന ഈ കാറിന്റെ ഹൈബ്രിഡ് പതിപ്പായ സിറ്റി HEVയും വിപണിയിൽ അവതരിപ്പിച്ചിട്ടുണ്ട്.

ഹോണ്ട സിറ്റിയുടെ (i-VTEC) വില 11.49 ലക്ഷം രൂപയിലും (എക്‌സ്‌-ഷോറൂം) സിറ്റി E:HEC ഹൈബ്രിഡ് സെഡാൻ 18.89 ലക്ഷം രൂപയിലും (എക്‌സ്‌-ഷോറൂം) ആരംഭിക്കുന്നു.2023ലെ പുതിയ ഒബ്‌സിഡിയൻ ബ്ലൂ പേൾ നിറം ഉൾപ്പെടെ നിരവധി വ്യത്യസ്‌ത പെയിന്റ് സ്‌കീമുകളിലാണ് വാഹനം എത്തുന്നത്.

ഇതുകൂടാതെ, ഈ സെഡാൻ ഇപ്പോൾ E20 ഇന്ധനത്തിൽ പ്രവർത്തിക്കുന്നു, കൂടാതെ പുതിയ BS-6 ഘട്ടം-രണ്ട് RDE മാനദണ്ഡങ്ങളും പാലിക്കുന്നതാണ്.പുതിയ ഹോണ്ട സിറ്റിയിൽ, മുൻ മോഡലിനേക്കാൾ മികച്ചതാക്കുന്ന നിരവധി നൂതന സവിശേഷതകൾ കമ്പനി ഉൾപ്പെടുത്തിയിട്ടുണ്ട്.

ഡയമണ്ട് ചെക്കർഡ് ഫ്ലാഗ് പാറ്റേണിനൊപ്പം അപ്‌ഡേറ്റ് ചെയ്‌ത സ്‌പോട്ടി ഫ്രണ്ട് ഗ്രിൽ ലഭിക്കുന്ന പുതിയ സിറ്റിയിൽ ബാഹ്യ രൂപകൽപ്പനയിൽ മാറ്റം വരുത്തിയിട്ടുണ്ട്.ഇതിനുപുറമെ, കാർബൺ പൊതിഞ്ഞ ലോവർ മോൾഡിംഗും സ്പോർട്ടി ഫോഗ് ലാമ്പ് ഗാർണിഷും ഉള്ള പുതുതായി രൂപകൽപ്പന ചെയ്‌ത മുൻ ബമ്പറും കാറിന് ലഭിക്കുന്നു. 

എഞ്ചിൻ ശേഷിയും മൈലേജും:

പുതിയ ഹോണ്ട സിറ്റിയിൽ 1.5 ലിറ്റർ i-VTEC DOHC എഞ്ചിനാണ് കമ്പനി ഉപയോഗിച്ചിരിക്കുന്നത്.വേരിയബിൾ ടൈമിംഗ് കൺട്രോൾ (വിടിസി) സാങ്കേതികവിദ്യയോടെയാണ് ഇത് വരുന്നത്.ഈ സാങ്കേതികവിദ്യ കാറിന്റെ മൈലേജ് മെച്ചപ്പെടുത്തുന്നതിനൊപ്പം കാർബൺ പുറന്തള്ളലും കുറയ്ക്കുമെന്ന് കമ്പനി അവകാശപ്പെടുന്നു.

ഈ എഞ്ചിന് 120 ബിഎച്ച്പി കരുത്തും 145 എൻഎം പീക്ക് ടോർക്കും ഉത്പാദിപ്പിക്കാൻ കഴിയും.ഈ എഞ്ചിൻ കുറഞ്ഞ വേഗതയിലും പെട്ടെന്നുള്ള ടോർക്ക് നൽകുമെന്ന് കമ്പനി അവകാശപ്പെടുന്നു.ഈ എഞ്ചിൻ 6-സ്‌പീഡ് മാനുവൽ ട്രാൻസ്‌മിഷനും 7-സ്‌പീഡ് CVT (തുടർച്ചയായി വേരിയബിൾ ട്രാൻസ്‌മിഷൻ) എന്നിവയുമായി ജോഡിയാക്കിയിരിക്കുന്നു.

മാനുവൽ വേരിയൻറ് ലിറ്ററിന് 17.8 കിലോമീറ്റർ വരെയും ഓട്ടോമാറ്റിക് വേരിയന്റിന് 18.4 കിലോമീറ്റർ വരെയും മൈലേജ് നൽകുമെന്ന് കമ്പനി പറയുന്നു.അതേസമയം, സിറ്റി e:HEV യിൽ ലിഥിയം അയൺ ബാറ്ററിയുള്ള അതേ 1.5-ലിറ്റർ അറ്റ്കിൻസൺ-സൈക്കിൾ DOHC i-VTEC പെട്രോൾ എഞ്ചിൻ കമ്പനി നൽകിയിട്ടുണ്ട്.

ഫീച്ചറുകൾ:

അപ്‌ഡേറ്റ് ചെയ്‌ത സിറ്റി സെഡാന് വയർലെസ് Apple CarPlay, Android Auto എന്നിവയ്‌ക്കൊപ്പം 20.3 cm അഡ്വാൻസ്‌ഡ് ടച്ച്‌സ്‌ക്രീൻ ഡിസ്‌പ്ലേ ഓഡിയോ, വൺ-ടച്ച് ഇലക്ട്രിക് സൺറൂഫ്, മൾട്ടി-ഫംഗ്ഷൻ ഡ്രൈവർ ഇൻഫർമേഷൻ ഇന്റർഫേസോടുകൂടിയ 17.7 സെ.മീ എച്ച്ഡി ഫുൾ കളർ TFT മീറ്റർ, വെബ് ലിങ്ക് സ്‌മാർട്ട് കണക്റ്റിവിറ്റി, ആംബിയന്റ് ലൈറ്റിംഗ്, 8 സ്‌പീക്കർ പ്രീമിയം സറൗണ്ട് സൗണ്ട് സിസ്‌റ്റം, എൽഇഡി ഇന്റീരിയർ ലാമ്പ്, സ്‌റ്റിയറിംഗ് തുടങ്ങി നിരവധി പുതിയ ഫീച്ചറുകൾ ലഭ്യമാണ്.ഇതുകൂടാതെ, സിവിടിക്ക് മൗണ്ടഡ് പാഡിൽ ഷിഫ്റ്ററുകളും നൽകിയിട്ടുണ്ട്.