ജീപ്പ്​ മോഡലുകളുടെ വിലയിൽ വന്‍കുറവ്

മുംബൈ: ജീപ്പ് മോഡലുകളുടെ വിലയിൽ വന്‍കുറവ്.അമേരിക്കൻ വാഹന നിർമാതാക്കളുടെ ജീപ്പിനാണ് വില കുത്തനെ കുറഞ്ഞിരിക്കുന്നത്. 18.5 ലക്ഷം രൂപയുടെ കുറവാണ് വരുത്തിയിരിക്കുന്നത്. ജീപ്പ് ഗ്രാൻഡ് ചോർക്കി ലിമിറ്റഡ് മോഡലിനാണ് വൻ കുറവ് . ഗ്രാൻഡ് ചെറോക്കി സമ്മിറ്റിന് 17.85 ലക്ഷം രൂപയുടെ കുറവ് ലഭിക്കും. ഗ്രാൻഡ് ചെറോക്കി ലിമിറ്റഡ് ഡീസൽ മോഡലിന് നിലവിൽ 93.64 ലക്ഷവും ഗ്രാൻഡ് ചോർക്കി സമ്മിറ്റ് ഡീസലിന് 1.03 കോടിയുമാണ് വില.ജീപ്പിന്‍റെ റാങ്ക്ലര്‍ അൺലിമിറ്റഡ് 7.14 ലക്ഷം രൂപയുടെ കുറവാണ് ലഭിക്കുക. ഈ മോഡല്‍ ഇനി 64.45 ലക്ഷം രൂപക്ക് ലഭ്യമാവും. ഗ്രാൻഡ് ചെറോക്കി എസ്.ആർ.ടിയുടെ വിലയിൽ 5 ലക്ഷം രൂപയും കുറച്ചു.ജി.എസ്.ടി നിലവിൽ വന്നതോടെ രാജ്യത്തെ മുൻനിര വാഹന നിർമാതാക്കളെല്ലാം വില കുറച്ചിരുന്നു.