മാരുതി സുസുക്കി ഫ്രോങ്ക്സ്; ഏപ്രിൽ 24ന് ഇന്ത്യയിൽ അവതരിപ്പിക്കും

മാരുതി സുസുക്കി ഫ്രോങ്ക്സ് ഇന്ത്യയിൽ അവതരിപ്പിക്കാനൊരുങ്ങുന്നതായി റിപ്പോർട്ട്.രാജ്യത്തെ ഏറ്റവും വലിയ കാർ നിർമ്മാതാവിന്റെ പുതിയ സബ്-4 മീറ്റർ കോംപാക്റ്റ് എസ്‌യുവി ഏപ്രിൽ 24ന് അവതരിപ്പിക്കും.ഇഗ്‌നിസ്, ബലേനോ, സിയാസ്, എക്‌സ്‌എൽ6, ഗ്രാൻഡ് വിറ്റാര എന്നിവയും വാഗ്‌ദാനം ചെയ്യുന്ന മാരുതിയുടെ നെക്‌സ ഡീലർഷിപ്പിൽ നിന്നാണ് ഫ്രോങ്ക്സ് വിൽക്കുന്നത്.

ബലേനോയ്‌ക്കൊപ്പം നെക്‌സയുടെ വോളിയം ഡ്രൈവർ ഫ്രോങ്ക്സായിരിക്കുമെന്ന് മാരുതി അവകാശപ്പെട്ടു.
മാരുതി അതിന്റെ എസ്‌യുവി പോർട്ട്‌ഫോളിയോ ശക്തിപ്പെടുത്താൻ ശ്രമിക്കുകയാണ്.അത്തരമൊരു സാഹചര്യത്തിൽ, ഫ്രോങ്ക്സ് ഇതിൽ വലിയ പങ്ക് വഹിക്കുമെന്നാണ് കരുതപ്പെടുന്നത്.

ബ്രെസ്സയും ഗ്രാൻഡ് വിറ്റാരയും ഉൾപ്പെടുന്ന കമ്പനിയുടെ എസ്‌യുവി നിരയെ ഇത് ശക്തിപ്പെടുത്തും.താമസിയാതെ ജിംനിയും എത്തും.നിലവിൽ പുറത്തുവിട്ട ഫീച്ചറുകളും പവർട്രെയിനുകളും അനുസരിച്ച്, ഇന്ത്യയിലെ മാരുതി സുസുക്കി ഫ്രോങ്ക്സിന്റെ വില 6.75 ലക്ഷം മുതൽ 11 ലക്ഷം രൂപ വരെയായിരിക്കും.ഈയിടെയായി,മാരുതി അതിന്റെ കാറുകളിൽ ക്ലാസ്-ലീഡിംഗ് ഫീച്ചറുകൾ വാഗ്‌ദാനം ചെയ്യുന്നു.

2022 ഫെബ്രുവരിയിൽ പുതിയ ബലേനോ അവതരിപ്പിച്ചതോടെയാണ് ട്രെൻഡ് ആരംഭിച്ചത്.എൽഇഡി ഡിആർഎല്ലുകളോട് കൂടിയ എൽഇഡി മൾട്ടി-റിഫ്ലക്‌ടർ ഹെഡ്‌ലാമ്പുകൾ, ഓട്ടോമാറ്റിക് ഹെഡ്‌ലാമ്പുകൾ, എൽഇഡി റിയർ കോമ്പിനേഷൻ ലാമ്പുകൾ, ഷാർക്ക് ഫിൻ ആന്റിന, 16 ഇഞ്ച് അലോയ് വീലുകൾ തുടങ്ങിയ സവിശേഷതകളാണ് ഫ്രോങ്ക്സിൽ ഉള്ളത്.

9 ഇഞ്ച് HD Smart Play Pro+ ഇൻഫോടെയ്ൻമെന്റ് സിസ്‌റ്റം, വയർലെസ് Apple CarPlay, Android Auto കണക്റ്റിവിറ്റി, ആർക്കിമിസ് സറൗണ്ട് സൗണ്ട് സിസ്‌റ്റം, ഓട്ടോമാറ്റിക് ക്ലൈമറ്റ് കൺട്രോൾ, ഹെഡ്-അപ്പ് എന്നിവ ഉൾപ്പടെ ഫീച്ചറുകൾ നമ്മൾ ബലെനോയിൽ കാണുന്നതുമായി സാമ്യമുള്ളതാണ്.ടേൺ-ബൈ-ടേൺ നാവിഗേഷൻ, 360-ഡിഗ്രി വ്യൂ ക്യാമറ, വയർലെസ് ചാർജർ എന്നിവയും ഇതിലുണ്ട്.

എസ്‌യുവി ഹാർട്ട്‌ടെക്റ്റ് പ്ലാറ്റ്‌ഫോം ഉപയോഗിക്കുന്ന മോഡലിൽ ആറ് എയർബാഗുകൾ, ത്രീ-പോയിന്റ് ELR സീറ്റ്‌ബെൽറ്റുകൾ, ഹിൽ-ഹോൾഡ് അസിസ്‌റ്റുള്ള ESP, റോൾഓവർ മിറ്റിഗേഷൻ, EBD, ബ്രേക്ക് അസിസ്‌റ്റ് ഉള്ള ABS, ഐസോഫിക്‌സ് ചൈൽഡ് സീറ്റ് മൗണ്ടുകൾ തുടങ്ങിയ സുരക്ഷാ സവിശേഷതകൾ കൂടി ലഭ്യമാണ്.ഫ്രോങ്ക്സിനൊപ്പം, 1.0-ലിറ്റർ ടർബോ ബൂസ്‌റ്റർജെറ്റ് പെട്രോൾ എഞ്ചിൻ മാരുതിയുടെ ആയുധപ്പുരയിലേക്ക് വീണ്ടും പ്രവേശിക്കുന്നു.