/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/0bafa7486dfb3707084c326374dffd58b870218a2f3d38b2fd4179fb47df2695.jpg)
മാരുതി സുസുക്കി ഇന്ത്യ ജൂണ്‍ 5ന് കരുത്തേറിയ ഓഫ്‌റോഡ് വാഹനമായ ജിംനി അവതരിപ്പിക്കും. വിലവിവരങ്ങളുള്‍പ്പടെ ജൂണ്‍ 5ന് തന്നെ പ്രഖ്യാപ്പിക്കുമെന്നാണ് മാരുതിയുടെ മാര്‍ക്കറ്റിംഗ് ആന്‍ഡ് സെയില്‍സ് സീനിയര്‍ എക്‌സിക്യൂട്ടീവ് ഓഫീസര്‍ ശശാങ്ക് ശ്രീവാസ്തവ വ്യക്തമാക്കിയത്.
ജനുവരി 12ന് മാരുതി എസ്യുവിയുടെ ഓര്‍ഡറുകള്‍ സ്വീകരിക്കാന്‍ തുടങ്ങിയതിനുശേഷം ജിംനി 30,000 ത്തിലധികം ബുക്കിംഗുകളാണ് ഇതുവരെ നേടിയത്. 2024 സാമ്പത്തിക വര്‍ഷത്തില്‍ 475,000 യൂണിറ്റിനടുത്തുള്ള എസ്യുവി വിപണിയുടെ 25 ശതമാനം വിഹിതമാണ് മാരുതി ലക്ഷ്യമിടുന്നത്.
സീറ്റ, ആല്‍ഫ എന്നീ മികച്ച രണ്ട് വകഭേദങ്ങളില്‍ മാത്രമേ ജിംനി ലഭ്യമാകൂ. കൂടാതെ, 4WD സാങ്കേതികവിദ്യ സ്റ്റാന്‍ഡേര്‍ഡാണ്. അതിനാല്‍, വില അല്‍പ്പം കൂടുതലായിരിക്കാം, ഇത് 11 ലക്ഷം മുതല്‍ 15 ലക്ഷം രൂപ വരെ (എക്‌സ്‌ഷോറൂം) ആയിരിക്കാം.
എക്‌സ്റ്റീരിയറില്‍ വാഷര്‍, ഓട്ടോമാറ്റിക് ഹെഡ്‌ലാമ്പുകള്‍, ഫോഗ് ലാമ്പുകള്‍, ഇലക്ട്രിക്കലി ക്രമീകരിക്കാവുന്നതും പിന്‍വലിക്കാവുന്നതുമായ ORVM കള്‍, 15 ഇഞ്ച് അലോയ് വീലുകള്‍ എന്നിവയുള്ള എല്‍ഇഡി ഹെഡ്‌ലാമ്പുകള്‍ ജിംനിക്ക് ലഭിക്കുന്നു. ഹാര്‍ഡ് ടോപ്പ്, ഡ്രിപ്പ് റെയിലുകള്‍, ക്ലാംഷെല്‍ ബോണറ്റ്, ടെയില്‍ഗേറ്റ് ഘടിപ്പിച്ച സ്‌പെയര്‍ വീല്‍ എന്നിങ്ങനെയുള്ള ചില ഫീച്ചറുകള്‍ രണ്ട് വേരിയന്റിലും ലഭ്യമാകും.
എച്ച്ഡി ഡിസ്‌പ്ലേയുള്ള 9 ഇഞ്ച് സ്മാട്ട് പ്ലേ പ്രോ+ ഇന്‍ഫോടെയ്ന്‍മെന്റ് സിസ്റ്റം, വയര്‍ലെസ് ആപ്പിള്‍ കാര്‍പ്ലേ, ആന്‍ഡ്രോയിഡ് ഓട്ടോ കണക്റ്റിവിറ്റി, ആര്‍ക്കാമിസ് സറൗണ്ട് സൗണ്ട് സിസ്റ്റം, ഓട്ടോമാറ്റിക് ക്ലൈമറ്റ് കണ്‍ട്രോള്‍, ക്രൂയിസ് കണ്‍ട്രോള്‍ എന്നിവയാണ് ക്യാബിനിലെ പ്രധാന സവിശേഷതകള്‍.