തകര്‍പ്പന്‍ മൈലേജിനൊപ്പം ഒപ്പം കലക്കന്‍ വിലയും; റിവോള്‍ട്ട് ഇലക്ട്രിക്ക് ബൈക്ക് രാജ്യത്ത്

പുതിയ ലിമിറ്റഡ് എഡിഷന്‍ സ്റ്റെല്‍ത്ത് ബ്ലാക്ക് RV400 ഇലക്ട്രിക് മോട്ടോര്‍സൈക്കിള്‍ രാജ്യത്ത് അവതരിപ്പിച്ച് റിവോള്‍ട്ട് മോട്ടോഴ്സ്. കമ്പനിയുടെ ഇന്ത്യയില്‍ ആറാ വാര്‍ഷികം ആഘോഷിക്കുന്നതിന്റെ ഭാഗമായിട്ടാണ് പുതിയ ലിമിറ്റഡ് എഡിഷന്റെ അവതരണം. ലിമിറ്റഡ് എഡിഷന്‍ റിവോള്‍ട്ട് RV400 ഒരു സ്റ്റെല്‍ത്ത് ബ്ലാക്ക് നിറത്തിലാണ്.

ചാര്‍ജറിന്റെ വില ഉള്‍പ്പെടെ ലിമിറ്റഡ് എഡിഷന്‍ റിവോള്‍ട്ട് RV400 ന് 1.17 ലക്ഷം രൂപയാണ് വില. താല്‍പ്പര്യമുള്ള ഉപഭോക്താക്കള്‍ക്ക് ഈ ഇലക്ട്രിക് മോട്ടോര്‍സൈക്കിള്‍ ഓണ്‍ലൈനിലോ അംഗീകൃത ഡീലര്‍ഷിപ്പുകളിലോ ബുക്ക് ചെയ്യാം. പരിമിതമായ യൂണിറ്റുകളില്‍ ഈ ബൈക്ക് ഓഫര്‍ ചെയ്യും. 2023 ഒക്ടോബര്‍ മുതല്‍ ഡെലിവറി ആരംഭിക്കും.

ഇലക്ട്രിക് മോട്ടോര്‍സൈക്കിള്‍ നിലവിലുള്ള പവര്‍ട്രെയിന്‍ സജ്ജീകരണം നിലനിര്‍ത്തുന്നു. ഇതില്‍ 3.24 കിലോവാട്ട് ലിഥിയം അയേണ്‍ ബാറ്ററി പാക്കും മൂന്ന് കിലോവാട്ട് മിഡ് ഡ്രൈവ് ഇലക്ട്രിക് മോട്ടോറും ഘടിപ്പിച്ചിരിക്കുന്നു. എആര്‍എഐ സാക്ഷ്യപ്പെടുത്തിയ 156കിമി റേഞ്ചും 85kmph വേഗവും ഈ മോട്ടോര്‍സൈക്കിള്‍ വാഗ്ദാനം ചെയ്യുന്നു. 4.5 മണിക്കൂര്‍ കൊണ്ട് ബാറ്ററി പൂര്‍ണമായി ചാര്‍ജ് ചെയ്യാം.

സ്റ്റെല്‍ത്ത് ബ്ലാക്ക് ലിമിറ്റഡ് എഡിഷന്‍ റിവോള്‍ട്ട് RV400 ഇലക്ട്രിക് ബൈക്കിന് സാധാരണ മോഡലിനെ അപേക്ഷിച്ച് സൗന്ദര്യവര്‍ദ്ധക മാറ്റങ്ങള്‍ ലഭിക്കുന്നു. ഇത് ഇപ്പോള്‍ റിയര്‍ സ്വിംഗാര്‍, റിയര്‍ ഗ്രാബ് ഹാന്‍ഡില്‍, ഫ്രെയിമിന്റെ മറ്റ് ഭാഗങ്ങള്‍ എന്നിവ ബ്ലാക്ക് ഔട്ട് ചെയ്തിട്ടുണ്ട്. ഹാന്‍ഡില്‍ബാറില്‍ ക്രോം ലഭിക്കുന്നു. ഗോള്‍ഡന്‍ ഫിനിഷ്ഡ് അപ്പ്സൈഡ് ഡൗണ്‍ ഫ്രണ്ട് ഫോര്‍ക്കുകളും യെല്ലോ മോണോ-ഷോക്കും സഹിതമാണ് ലിമിറ്റഡ് എഡിഷന്‍ വരുന്നത്.

ബ്ലാക്ക്ഡ്-ഔട്ട് അലോയ് വീലുകളുമായാണ് മോട്ടോര്‍സൈക്കിള്‍ വരുന്നത്. സ്റ്റെല്‍ത്ത് ബ്ലാക്ക് പെയിന്റ് സ്‌കീമില്‍ പൂര്‍ത്തിയാക്കിയ മോട്ടോര്‍സൈക്കിളിന് മുന്‍വശത്ത് ഒരു ചെറിയ ഫ്‌ലാറ്റ്‌സ്‌ക്രീന്‍ ഉണ്ട്. ഡേടൈം റണ്ണിംഗ് ലാമ്പുകള്‍, എല്‍സിഡി ഇന്‍സ്ട്രുമെന്റ് കണ്‍സോള്‍, റൈഡ് മോഡുകള്‍, ഇ-സിം ഉള്ള മൊബൈല്‍ ആപ്പ് കണക്റ്റിവിറ്റി എന്നിവയുള്ള എല്‍ഇഡി ഹെഡ്ലാമ്പുകള്‍ ഇത് വാഗ്ദാനം ചെയ്യുന്നു.അതേസമയം പുതിയ RV400 സ്റ്റെല്‍ത്ത് ബ്ലാക്ക് എഡിഷന്‍ പരിമിതപ്പെടുത്തുന്ന യൂണിറ്റുകളുടെ എണ്ണം റിവോള്‍ട്ട് മോട്ടോഴ്സ് വെളിപ്പെടുത്തിയിട്ടില്ല.