ഇന്ത്യയിലെ വില്‍പ്പന അവസാനിപ്പിക്കാനൊരുങ്ങി ഈ അടിപൊളി കാര്‍! അമ്പരന്ന് വാഹനപ്രേമികള്‍

സ്‌കോഡ ഇന്ത്യ അതിന്റെ കുഷാഖ് എസ്യുവിയുടെ ലാവ ബ്ലൂ എഡിഷന്‍ ഔദ്യോഗിക വെബ്സൈറ്റില്‍ നിന്ന് നീക്കം ചെയ്തതായി റിപ്പോര്‍ട്ട്. അതെസമയം ഇത് സംബന്ധിച്ച് കമ്പനി ഇതുവരെ ഔദ്യോഗിക പ്രസ്താവനകളൊന്നും നല്‍കിയിട്ടില്ല.

സ്‌കോഡ കുഷാഖ് ലാവ ബ്ലൂ എഡിഷന്‍ 2023 ഏപ്രില്‍ 13-ന് 17.99 ലക്ഷം രൂപയില്‍ (എക്‌സ്-ഷോറൂം) ആരംഭിക്കുന്ന വിലയില്‍ ഇന്ത്യയില്‍ അവതരിപ്പിച്ചു. 19.19 ലക്ഷം രൂപ മുതലാണ് എഎംടി വേരിയന്റിന്റെ എക്‌സ് ഷോറൂം വില.

വെബ്സൈറ്റില്‍ നിന്ന് നീക്കം ചെയ്‌തെങ്കിലും എസ്യുവി പരിമിതമായ യൂണിറ്റുകളില്‍ ലഭ്യമാകുമെന്ന് ചില ഡീലര്‍ ഉറവിടങ്ങള്‍ സ്ഥിരീകരിച്ചതായി കാര്‍ ട്രേഡ് റിപ്പോര്‍ട്ട് ചെയ്യുന്നു.കുഷാഖ് ലാവ ബ്ലൂ എഡിഷന്‍ ലാവ ബ്ലൂ എക്സ്റ്റീരിയര്‍ കളര്‍ ഓപ്ഷനില്‍ ലഭ്യമാണ്.

സ്‌കോഡയുടെ ലോഗോയുള്ള പുഡില്‍ ലാമ്പുകള്‍, മുന്‍ ഗ്രില്ലില്‍ ക്രോം ഫിനിഷ്, ഡോര്‍ ഹാന്‍ഡിലുകളും ട്രങ്കും, ബി-പില്ലറുകളില്‍ 'എഡിഷന്‍' ബാഡ്ജിംഗും ഉള്‍പ്പെടുന്നു. ഈ കാര്‍ ലിറ്ററിന് 19.2 കിലോമീറ്റര്‍ മൈലേജ് നല്‍കുന്നു. ഏകദേശം 385 ലിറ്ററിന്റെ ബൂട്ട് സ്‌പേസ് ഈ കാറിനുണ്ട്.

കുഷാക്കിന്റെ ലാവ ബ്ലൂ എഡിഷനില്‍ 1.5 ലിറ്റര്‍ ഫോര്‍ സിലിണ്ടര്‍ ടര്‍ബോ പെട്രോള്‍ എഞ്ചിന്‍ ആറ് സ്പീഡ് മാനുവലും ഏഴ് സ്പീഡ് ഡിഎസ്ജി ഓട്ടോമാറ്റിക് ഗിയര്‍ബോക്‌സും ചേര്‍ന്നതാണ്. 148 bhp കരുത്തും 250 Nm ടോര്‍ക്കും ഉത്പാദിപ്പിക്കുന്ന തരത്തിലാണ് ഈ മോട്ടോര്‍ ട്യൂണ്‍ ചെയ്തിരിക്കുന്നത്.

കൂടാതെ, ഈ എഞ്ചിന്‍ BS6 ഘട്ടം 2, പുതിയ RDE മാനദണ്ഡങ്ങള്‍ എന്നിവയുമായി പൊരുത്തപ്പെടുന്നു.ഇതിന് 3 ട്രിം ആക്റ്റീവ്, ആംബിഷന്‍, സ്‌റ്റൈല്‍ എന്നിവ ലഭിക്കുന്നു. 999 സിസി മുതല്‍ 1498 സിസി വരെയുള്ള എഞ്ചിനാണ് വാഹനത്തിന്.

ഇതിന് 113.98 മുതല്‍ 147.51 ബിഎച്ച്പി വരെ കരുത്ത് ലഭിക്കും. ഹണി ഓറഞ്ച്, ടൊര്‍ണാഡോ റെഡ്, കാന്‍ഡി വൈറ്റ്, കാര്‍ബണ്‍ സ്റ്റീല്‍, ബ്രില്യന്റ് സില്‍വര്‍ എന്നീ അഞ്ച് കളര്‍ ഓപ്ഷനുകളിലാണ് ഈ 5 സീറ്റര്‍ കാര്‍ വരുന്നത്.