/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/cc83273c13cf8291f05e45e6dd6b4e313c32dca4ae0bf396b6a215347411e755.jpg)
ന്യൂഡല്‍ഹി: 2024 ല്‍ മുന്‍ മൈക്രോസോഫ്റ്റ് സിഇഒ സ്റ്റീവ് ബാല്‍മറിന് മൈക്രോസോഫ്റ്റില്‍ നിന്ന് 1 ബില്യണ്‍ ഡോളര്‍ (ഏകദേശം 8300 കോടി രൂപ) വരുമാനം സ്വീകരിക്കാന്‍ ഒരുങ്ങുന്നുവെന്ന് സിഎന്‍എന്‍ റിപ്പോര്‍ട്ട് ചെയ്തു.
മൈക്രോസോഫ്റ്റ് അതിന്റെ ഓഹരിയുടമകള്‍ക്ക് കൂടുതല്‍ ലാഭവിഹിതം നല്‍കാന്‍ തീരുമാനിച്ചതാണ് ഇതിന് കാരണം. മൈക്രോസോഫ്റ്റിന്റെ ഓഹരികളില്‍ 333.2 ദശലക്ഷം ഓഹരികള്‍ ബാല്‍മറിന്റെ കൈവശമുണ്ട്. ഇത് കമ്പനിയുടെ 4 ശതമാനം ഉടമസ്ഥതയ്ക്ക് തുല്യമാണ്.
അതിനാല്‍ മൈക്രോസോഫ്റ്റിന്റെ വിപണിയിലുള്ള പ്രകടനം നല്ലതായാലും മോശമായാലും കമ്പനിയുടെ ലാഭത്തിന്റെ ഒരു ഓഹരികളായി അദ്ദേഹത്തിന് ലഭിക്കും.
2003ല്‍ ഓഹരികള്‍ നല്‍കാന്‍ തുടങ്ങിയതു മുതല്‍ കമ്പനി ഓഹരി ഉടമകള്‍ക്ക് നല്‍കുന്ന തുക തുടര്‍ച്ചയായി വര്‍ധിപ്പിച്ചതിനാല്‍ ഓഹരികള്‍ മൈക്രോസോഫ്റ്റ് കുറയ്ക്കാനുള്ള സാധ്യത കുറവാണ്.
ഐആര്‍എസിലേക്ക് റിപ്പോര്‍ട്ട് ചെയ്ത ബാല്‍മറിന്റെ മുന്‍ വരുമാനത്തെ അടിസ്ഥാനമാക്കി, ഈ ഡിവിഡന്റുകളില്‍ അയാള്‍ക്ക് ഏകദേശം 200 മില്യണ്‍ ഡോളര്‍ നികുതി അടയ്ക്കേണ്ടി വരുമെന്ന് കണക്കാക്കപ്പെടുന്നു.
കാരണം, ഓരോ വര്‍ഷവും 500,000 ഡോളറോ അതില്‍ കൂടുതലോ സമ്പാദിക്കുന്ന വ്യക്തികള്‍ക്ക് ഓഹരികള്‍ക്ക് 20 ശതമാനം നികുതിയുണ്ട്.