/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/255f9fd04ed10b50be07cd70464f4eb1dbe65720349054b4bac6586085f547d0.jpg)
മുംബൈ: കൊക്കകോള ഇന്ത്യ മദ്യ വിപണിയിലേക്ക് കടക്കുന്നതായി റിപ്പോര്‍ട്ട്. കൊക്കകോള ഇന്ത്യ ആല്‍ക്കഹോള്‍ വിഭാഗത്തിലേക്ക് കടക്കുന്നതിന്റെ പരീക്ഷണ ഘട്ടം ആരംഭിച്ചതായി ഇക്കണോമിക് ടൈംസ് റിപ്പോര്‍ട്ട് ചെയ്തു.
റെഡി-ടു-സെര്‍വ് ആല്‍ക്കഹോള്‍ പാനീയമായ ലെമണ്‍-ഡൗ ആണ് ഗോവയിലും മഹാരാഷ്ട്രയുടെ ചില ഭാഗങ്ങളിലും പരീക്ഷണാടിസ്ഥാനത്തില്‍ കമ്ബനി കൊണ്ടുവന്നിട്ടുള്ളത്.
ബ്രാണ്ടിക്കും വോഡ്കയ്ക്കും സമാനമായി വാറ്റിയെടുത്ത മദ്യമായ ഷോച്ചുവിന്റെയും നാരങ്ങയുടെയും മിശ്രിതമാണ് ലെമണ്‍-ഡൗ. പരീക്ഷണ ഘട്ടത്തില്‍ 250 മില്ലി ലിറ്ററിന് 230 രൂപയാണ് ഈ ഉല്‍പ്പന്നത്തിന് കൊക്കകോള ഇന്ത്യ ഈടാക്കുന്നത്. മദ്യം വളരെ വലിയ ഉല്‍പ്പന്ന വിഭാഗമാണെന്നും അതിന്റെ അടിസ്ഥാനത്തിലുള്ള ബോധപൂര്‍വമായ പരീക്ഷണമാണ് നടത്തുന്നതെന്നും കമ്ബനി വ്യക്തമാക്കുന്നു.
ആല്‍ക്കഹോള്‍ ഇല്ലാത്ത റെഡി-ടു ഡ്രിങ്ക് ഉല്‍പ്പന്നങ്ങള്‍ തയ്യാറാക്കുന്നതും വിതരണം ചെയ്യുന്നതുമായ ഫെസിലിറ്റികളില്‍ ഇവ തയാറാക്കുന്നില്ലെന്നും ഈ ആല്‍ക്കഹോള്‍ പാനീയങ്ങളുടെ തയ്യാറാക്കലും വിതരണവും പ്രത്യേകമുള്ള സംവിധാനങ്ങളിലാണ് ചെയ്യുന്നതെന്നും കമ്ബനി വ്യക്തമാക്കിയിട്ടുണ്ട്. 2018-ല്‍ ആഗോള വിപണിയിലെത്തിയ ലെമണ്‍-ഡൗ, കൊക്കകോളയുടെ ആദ്യത്തെ റെഡി-ടു ഡ്രിങ്ക് ആല്‍ക്കഹോള്‍ പാനീയമാണ്.