സ്വര്‍ണ വില ഈ മാസത്തെ ഉയര്‍ന്ന നിരക്കിൽ

കൊച്ചി: സംസ്ഥാനത്ത് സ്വര്‍ണ വില ഈ മാസത്തെ ഏറ്റവും ഉയര്‍ന്ന നിരക്കില്‍ . ഏറെ നാള്‍ മാറ്റമില്ലാതെ തുടര്‍ന്ന സ്വര്‍ണ വില ഈ മാസം 8നാണ് വര്‍ധിക്കാനാരംഭിച്ചത്. ആറ് ദിവസത്തോളം പവന് 22,840 രൂപയില്‍ തുടര്‍ന്ന ശേഷം 8ന് 22,920ലേക്കുയര്‍ന്നു. തുടര്‍ന്ന് 9നാണ് പവന് 80 രൂപ വര്‍ധിച്ച് 23,000 രൂപയിലെത്തിയത്. ഇന്നും ഇതേ നിരക്കിലാണ് സ്വര്‍ണ വ്യാപാരം പുരോഗമിക്കുന്നത്.

ഗ്രാമിന് 10 രൂപ കൂടി 2,875യിലെത്തി. ആഗോള വിപണിയിലെ വിലവ്യതിയാനമാണ് ആഭ്യന്തര വിപണിയിലും പ്രതിഫലിക്കുന്നത്.