സ്വർണ ഉൽപ്പാദനം ഉയർന്നേക്കും; ഇന്ത്യയിൽ വൻ സ്വർണ ശേഖരം കണ്ടെത്തി

ന്യൂഡൽഹി: ഒഡീഷയിലെ മൂന്ന് ജില്ലകളിലായി നിരവധി സ്ഥലങ്ങളിൽ സ്വർണ്ണ ഖനികൾ കണ്ടെത്തി.സ്റ്റീൽ, ഖനന വകുപ്പ് ചുമതല വഹിക്കുന്ന പ്രഫുല്ല മല്ലിക് ആണ് വിവരം അറിയിച്ചത്.'ഡയറക്ടറേറ്റ് ഓഫ് മൈൻസ് ആൻഡ് ജിയോളജിക്കൽ സർവേ ഓഫ് ഇന്ത്യയുടെ പഠനങ്ങളിൽ ആണ് പുതിയ സ്വർണ ഖനികൾ രാജ്യത്ത് കണ്ടെത്തിയത്.

ഡിയോഗർ, കിയോഞ്ജർ, മയൂർഭഞ്ച് എന്നീ മൂന്ന് ജില്ലകളിലാണ് സ്വർണ്ണത്തിൻെറ സാന്നിധ്യം കണ്ടെത്താനായത്.ഈ മൂന്ന് ജില്ലകളിലും സ്വർണ നിക്ഷേപമുണ്ടെന്ന വെളിപ്പെടുത്തൽ പ്രദേശവാസികളെ അത്ഭുതപ്പെടുത്തി.കിയോഞ്ജർ ജില്ലയിലെ ദിമിരിമുണ്ട, കുശാകല, ഗോതിപുർ, ഗോപുർ എന്നിവിടങ്ങളിൽ സ്വർണ്ണ ശേഖരമുണ്ട്.

മയൂർഭഞ്ച് ജില്ലയിലെ ജോഷിപൂർ, സുരിയഗുഡ, റുവൻസില, ദുഷുര ഹിൽ, ദിയോഗർ ജില്ലയിലെ അഡാസ് മേഖലയിലും സ്വർണ ശേഖരമുണ്ടെന്ന് റിപ്പോർട്ടുകൾ സൂചിപ്പിക്കുന്നു.മൂന്ന് ജില്ലകളിലും സ്വർണ ശേഖരമുണ്ടെന്ന വെളിപ്പെടുത്തൽ പ്രദേശവാസികളെ അദ്ഭുതപ്പെടുത്തി.

1980കളിൽ തന്നെ കിയോഞ്ജർ ജില്ലയിൽ സ്വർണ്ണ ശേഖരമുണ്ടെന്ന സൂചനകൾ ലഭിച്ചിരുന്നു.അക്കാലത്ത് ലഭ്യമായ സാങ്കേതിക വിദ്യകൾ ഉപയോഗിച്ച് ജിയോളജിക്കൽ സർവേ ഓഫ് ഇന്ത്യ കിയോഞ്ജർ ജില്ലയിലെ ബനസപാൽ ബ്ലോക്കിലെ തരമാകാന്ത്, നായകോട്ട് പഞ്ചായത്തുകൾക്ക് കീഴിലുള്ള കുശാകല, ഗോപ്പൂർ, ജലദിഹ തുടങ്ങിയ സ്ഥലങ്ങളിൽ സർവേ നടത്തിയിരുന്നു.

എന്നാൽ സർവേ ഫലങ്ങൾ രഹസ്യമായി സൂക്ഷിക്കുകയായിരുന്നു,2021–2022ൽ, പുതിയ സാങ്കേതിക വിദ്യകൾ ഉപയോഗിച്ച് കിയോഞ്ജർ ജില്ലയിലെ അതേ പ്രദേശങ്ങളിൽ ജിയോളജിക്കൽ സർവേ മറ്റൊരു പഠനം നടത്തി. എന്നാൽ സർവേ ഫലംരഹസ്യമായി തന്നെ സൂക്ഷിക്കുകയായിരുന്നു.പുതിയ സ്വർണ ശേഖരം കണ്ടെത്താൻ ആയത് രാജ്യത്തെ സ്വർണ ഉൽപ്പാദനം വർധിപ്പിക്കാൻ സഹായകരമായേക്കും.