/kalakaumudi/media/agency_attachments/zz0aZgq8g5bK7UEc9Bb2.png)
New Update
ഉള്ളി വില കുത്തനെ താഴോട്ട്. ഒരു കിലോ സവാളക്ക് മഹാരാഷ്ട്രയിലെ പ്രധാന മാര്‍ക്കറ്റുകളില്‍ 50 പൈസയിലേക്ക് താഴ്ന്നു. പൂനയിലെ മൊത്ത വ്യാപാര കേന്ദ്രങ്ങളിലാണ് കര്‍ഷകര്‍, കഴിഞ്ഞ വാരത്തില്‍ കിട്ടിയ വിലയ്ക്ക് സവാളയുടെ സ്റ്റോക്ക് വിറ്റൊഴിഞ്ഞത്. നേരത്തെ, നാസിക്കിലെ കര്‍ഷകരും നിസാര വിലക്ക് ഉത്പന്നം വിറ്റിരുന്നു.ഒരു ഏക്കറില്‍ സവാള കൃഷി ചെയ്യുന്നതിന് 70,000 രൂപ ചെലവുണ്ട്. 20 ടണ്ണോളം വിളവ് ലഭിക്കും. എന്നാല്‍ ഇപ്പോള്‍ ഇതിനു പരമാവധി കിട്ടുന്നത് 20,000 രൂപയാണ്. കര്‍ഷകര്‍ ചരക്ക് മാര്‍ക്കറ്റില്‍ കൊണ്ട് വരാതെ കിട്ടിയ വിലയ്ക്ക് വില്‍ക്കുകയാണ്. കാരണം മാര്‍ക്കറ്റില്‍ എത്തിക്കുന്നതിന് 10,000 രൂപ അധിക ചെലവ് വരും.