/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/f6e7ae1d2b7d80a796ad31acb599ab00dbf39614af48d127dd05332f7e7163e4.jpg)
കൊച്ചി: സവാളവില ഇടിഞ്ഞു. ഒരു കിലോയ്ക്ക് അമ്ബതുരൂപയായിരുന്ന സവാളയുടെ വില ഇപ്പോള്‍ 20 രൂപക്കും താഴെയാണ്. പ്രമുഖ ഉല്പാദന കേന്ദ്രങ്ങളിലേക്ക് വന്‍ തോതില്‍ ഉത്പന്നം എത്തിയതോടെയാണ് വില ഇത്തരത്തില്‍ കുറഞ്ഞത്. ഇന്ത്യയിലെ ഏറ്റവും വലിയ ഉള്ളി മാര്‍ക്കറ്റായ മഹരാഷ്ട്രയിലെ ലസല്‍ഗാവില്‍ ഒരു കിലോ സവാളയുടെ വില 12 രൂപയില്‍ താഴെയാണ്.ഖരീഫ് സീസണിലെ വിളവാണ് മാര്‍ക്കറ്റില്‍ എത്തിക്കൊണ്ടിരിക്കുന്നത്. ഏപ്രിലോടെ റബി സീസണിലെ വിളവ് കൂടി എത്തുന്നതോടെ വില ഇനിയും ഇടിയുമെന്ന് മാര്‍ക്കറ്റ് വിദഗ്ദര്‍ അഭിപ്രായപ്പെട്ടു. ഖരീഫ് സീസണില്‍ ഇക്കുറി 2.30 കോടി ടണ്‍ വിളവാണ് ഉണ്ടായിരുന്നത്. അടുത്ത മെയ് മാസത്തോടെ വില പ്രകടമായി താഴുമെന്ന് ലസല്‍ഗാവ് മാര്‍ക്കറ്റിലെ വ്യാപാരികള്‍ വ്യക്തമാക്കി.