വ്യവസായി വിജയ് മല്യയെ പിടികിട്ടാപ്പുള്ളിയായി പ്രഖ്യാപിച്ചു

മുംബൈ : വിവാദ വ്യവസായി വിജയ് മല്യയെ പിടികിട്ടാപ്പുള്ളിയായി മുംബൈയിലെ പ്രത്യേക കോടതി പ്രഖ്യാപിച്ചു. കള്ളപ്പണം വെളുപ്പിക്കല്‍ നിരോധന നിയമപ്രകാരമാണ് ബാങ്കുകളില്‍ നിന്ന് വായ്പയെടുത്ത് ഇന്ത്യ വിട്ട വിവാദ വ്യവസായി വിജയ് മല്യയെ പിടികിട്ടാപ്പുള്ളിയായി പ്രഖ്യാപിച്ചത്. അന്വേഷണ ഏജന്‍സികള്‍ക്ക് ഇന്ത്യയിലുള്ള മല്യയുടെ സ്വത്തുക്കള്‍ കണ്ടുകെട്ടാവുന്നതാണ് . എന്‍ഫോഴ്‌സ്‌മെന്റ് ഡയറക്ടറേറ്റാണ് പിടികിട്ടാപുള്ളിയായി പ്രഖ്യാപിക്കണമെന്ന് കോടതിയെ സമീപിച്ചത് . 9000 കോടി രൂപയുടെ വായ്പയെടുത്താണ് മല്യ രാജ്യം വിട്ടത് .