/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/5c57ae3515d9a273c99e3b1d1141c728ef3edd55a44ec1d4258c2c7dc7a475c3.jpg)
കൊച്ചി: കൊച്ചി പള്ളുരുത്തിയില്‍ യുവാവിനെ കുത്തിക്കൊലപ്പെടുത്തി. അനില്‍കുമാര്‍ (32) ആണ് കൊല്ലപ്പെട്ടത്. മാമോദീസ നടന്ന വീട്ടിലുണ്ടായ അടിപിടിയുടെ തുടര്‍ച്ചയായാണ് കൊലപാതകമെന്നാണ് സൂചന.
പ്രതികളില്‍ ഒരാളെ കസ്റ്റഡിയിലെടുത്തതായി പൊലീസ് പറയുന്നു. സംഭവത്തെക്കുറിച്ച് കൂടുതല്‍ വിവരങ്ങള്‍ ലഭ്യമായിട്ടില്ല.ഇന്നലെ രാത്രിയിലാണ് സംഭവം.
മരിച്ച അനില്‍കുമാര്‍ ഇന്നലെ രാത്രി മാമോദീസ നടന്ന വീട്ടില്‍ പോയിരുന്നു. അവിടെവെച്ച് കുറച്ച് ആളുകളുമായി വാക്ക് തര്‍ക്കവും സംഘര്‍ഷവുമുണ്ടായിരുന്നു.
അനില്‍കുമാര്‍ അവിടെ നിന്ന് തിരികെ പോയതിന് ശേഷം പിന്നാലെയെത്തിയ സംഘം ഇദ്ദേഹത്തെ കുത്തിക്കൊലപ്പെടുത്തുകയായിരുന്നു.മൃതദേഹം പോസ്റ്റ്‌മോര്‍ട്ടത്തിനായി ജനറല്‍ ആശുപത്രിയിലേക്ക് മാറ്റി.
സംഭവത്തില്‍ കൂടുതല്‍ പ്രതികളുണ്ടോ എന്ന കാര്യത്തില്‍ വ്യക്തതയില്ല. സംഭവത്തെപ്പറ്റി കൂടുതല്‍ അന്വേഷണം നടത്തുകയാണെന്നാണ് പൊലീസ് പറയുന്നത്.