മദ്യപിച്ചെത്തിയതിനെ ചൊല്ലി വഴക്ക്; ഭാര്യയെ അമ്മിക്കല്ല് കൊണ്ട് ഇടിച്ചു കൊന്നു, ഭര്‍ത്താവ് പൊലീസില്‍ കീഴടങ്ങി

ചെന്നൈ: മദ്യപിച്ചെത്തിയതിനെച്ചൊല്ലി വഴക്കിട്ട ഭാര്യയെ അമ്മിക്കല്ല് കൊണ്ട് ഇടിച്ചു കൊലപ്പെടുത്തിയ ഭര്‍ത്താവ് പൊലീസില്‍ കീഴടങ്ങി. വാലജാബാദിനു സമീപം ശങ്കരപുരം ഗ്രാമത്തിലെ ശ്രീധറാണ് ഭാര്യ സെല്‍വറാണിയെ കൊലപ്പെടുത്തിയത്.

സ്ഥിരമായി മദ്യപിച്ചെത്തുന്നതിനെ ചൊല്ലി ഇരുവരും തമ്മില്‍ പതിവായി വഴക്കിടാറുണ്ടെന്ന് പൊലീസ് പറഞ്ഞു. വെള്ളിയാഴ്ച രാത്രി ശ്രീധര്‍ മദ്യപിച്ചാണ് എത്തിയത്.

വഴക്കിനിടെ ശ്രീധര്‍ അമ്മിക്കല്ലെടുത്ത് സെല്‍വറാണിയുടെ തലയ്ക്ക് ഇടിക്കുകയായിരുന്നു. ഇടിയുടെ ആഘാതത്തില്‍ സെല്‍വറാണി സംഭവസ്ഥലത്തു തന്നെ മരിച്ചു.

ഭാര്യ മരിച്ച വിവരം ശ്രീധര്‍ തന്നെ പൊലീസില്‍ വിളിച്ചറിയിച്ചു. ശങ്കരപുരം പൊലീസ് സ്ഥലത്തെത്തി ഇയാളെ അറസ്റ്റ് ചെയ്തു. കൂടുതല്‍ അന്വേഷണങ്ങള്‍ നടന്നുവരുന്നതായി പൊലീസ് പറഞ്ഞു.