അക്ഷയ സെന്ററില്‍ ഭാര്യയെ തീകൊളുത്തി കൊലപ്പെടുത്തി; പിന്നാലെ ഭര്‍ത്താവ് കഴുത്തറുത്ത് കിണറ്റില്‍ ചാടി

കൊല്ലം: പാരിപ്പള്ളിയില്‍ അക്ഷയ സെന്ററില്‍ ഭാര്യയെ തീകൊളുത്തി കൊലപ്പെടുത്തിയതിന് ശേഷം ഭര്‍ത്താവ് ആത്മഹത്യ ചെയ്തു. അക്ഷയ സെന്ററിലെ ജീവനക്കാരിയായ കര്‍ണ്ണാടക കൊടക് സ്വദേശിനി നാദിറ (40)യാണ് കൊല്ലപ്പെട്ടത്.

ഭര്‍ത്താവ് റഹീമിന്റെ മൃതദേഹം കിണറ്റില്‍ കണ്ടെത്തി. ഭാര്യയെ തീകൊടുത്തിയ ശേഷം റഹീം സ്വയം കഴുത്തറുത്ത് കിണറ്റില്‍ ചാടുകയായിരുന്നു.

സംശയരോഗമാണ് കൊലപ്പെടുത്താന്‍ കാരണമെന്നാണ് പ്രാഥമിക നിഗമനം. ഇന്ന് രാവിലെ 9 മണിയോടെയാണ് സംഭവം. നാവായിക്കുളത്ത് വാടകയ്ക്ക് താമസിക്കുകയായിരുന്നു നദീറ.

നിരവധി കേസുകളിലെ പ്രതിയാണ് ഓട്ടോ ഡ്രൈവറായ റഹീം. ജയില്‍ ശിക്ഷ കഴിഞ്ഞ് മൂന്ന് ദിവസം മുമ്പാണ് റഹീം വീട്ടിലെത്തിയത്. പട്ടാപ്പകല്‍ നാദിറ ജോലിക്കെത്തിയ ഉടനെയായിരുന്നു സംഭവം. ഫയഫോഴ്‌സെത്തിയാണ് റഹീമിന്റെ മൃതദേഹം പുറത്തെടുത്തത്.