പെരുംജീരകത്തില്‍ ധാരാളം ആരോഗ്യഗുണങ്ങളുണ്ട്. പെരുംജീരം ഇട്ട് തിളപ്പിച്ച വെള്ളം കുടിക്കുന്നത് ശീലമാക്കാം.പെരുംജീരകത്തില്‍ വിറ്റാമിന്‍ സി, വിറ്റാമിന്‍ എ, ഫൈബര്‍, പൊട്ടാസ്യം, മാംഗനീസ്, സിങ്ക്, ഇരുമ്പ്, കാല്‍സ്യം തുടങ്ങിയ അവശ്യ വിറ്റാമിനുകള്‍, പോഷകങ്ങള്‍, ധാതുക്കള്‍ എന്നിവയെല്ലാം അടങ്ങിയിട്ടുണ്ട്.

ഇതില്‍ അടങ്ങിയിരിക്കുന്ന ലയിക്കുന്ന നാരുകള്‍ മലബന്ധം, വയറിളക്കം തുടങ്ങിയ പ്രശ്‌നങ്ങള്‍ പരിഹരിക്കുന്നതിന് സഹായിക്കുന്നു.പെരുംജീരകത്തില്‍ പൊട്ടാസ്യം അടങ്ങിയിട്ടുണ്ട്.

ഇത് ആസിഡ് സന്തുലിതാവസ്ഥ സ്വാഭാവികമായി നിയന്ത്രിക്കാനും ഹൃദയമിടിപ്പ് നിയന്ത്രിക്കാനും രക്തസമ്മര്‍ദ്ദം നിയന്ത്രിക്കാനും സഹായിക്കുന്ന ഒരു പോഷകമാണ്

പെരുംജീരക വിത്തുകളുടെ ശക്തമായ ആന്റി സ്പാസ്‌മോഡിക്, കാര്‍മിനേറ്റീവ് സവിശേഷതകള്‍ വായുകോപം, നെഞ്ചെരിച്ചില്‍, വയര്‍ വീക്കം, ഐ.ബി.എസ്, ജി.ഇ.ആര്‍.ഡി തുടങ്ങിയ അവസ്ഥകളെ ചികിത്സിക്കാന്‍ സഹായിക്കുന്നു.

രക്തത്തിലെ പഞ്ചസാരയുടെ അളവ് നിയന്ത്രിക്കാനും പെരുംജീരക വെള്ളം സഹായിക്കും. പ്രമേഹരോഗികള്‍ക്ക് എന്തെങ്കിലും കഴിച്ചതിന് ശേഷം ഈ വെള്ളം കുടിക്കുക.

പെരുംജീരകത്തില്‍ അടങ്ങിയിരിക്കുന്ന ഉയര്‍ന്ന നാരുകള്‍ രക്തത്തിലെ പഞ്ചസാരയെ നിയന്ത്രിക്കുന്നുവെന്ന് റിപ്പോര്‍ട്ടുകള്‍ പറയുന്നു.വെറും വയറ്റില്‍ പെരുംജീരക വെള്ളം കുടിക്കുന്നത് പ്രതിരോധശേഷി വര്‍ധിക്കാന്‍ സഹായിക്കും.

ഇതില്‍ രോഗപ്രതിരോധത്തിനും ആരോഗ്യത്തിനും സഹായിക്കുന്ന ആന്റിഓക്സിഡന്റുകള്‍ അടങ്ങിയിട്ടുണ്ട്. ആന്റി ബാക്ടീരിയല്‍, ആന്റിഫംഗല്‍ ഗുണങ്ങളുള്ള തൈമോള്‍ എന്ന സംയുക്തവും ഇതിലുണ്ട്.

ഇത് ഇ.കോളി, സാല്‍മൊണല്ല തുടങ്ങിയ രോഗമുണ്ടാക്കുന്ന ബാക്ടീരിയകളെ ചെറുക്കാന്‍ സഹായിക്കും.