/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/5e7b8f31fcdf5d9e9c2a04261a8b6df72155fc5d1d6e190d5a57c34bbae3bb03.jpg)
ഇന്ത്യയിലെ ഭക്ഷണങ്ങളില്‍ മിക്കതിലും വെളുത്തുള്ളി ഉപയോഗിക്കാറുണ്ട്. വെളുത്തുള്ളിയില്‍ നിരവധി ആരോഗ്യ ഗുണങ്ങള്‍ അടങ്ങിയിട്ടുണ്ട്.
ജലദോഷത്തിനും പനിക്കും എതിരെ പ്രതിരോധശേഷി വര്‍ധിപ്പിക്കുക, ചീത്ത കൊളസ്‌ട്രോളിന്റെ അളവ് കുറയ്ക്കുക, ഉയര്‍ന്ന രക്തസമ്മര്‍ദ്ദം നിയന്ത്രിക്കാന്‍ സഹായിക്കുക തുടങ്ങി നിരവധി ഗുണങ്ങളാണ് ഇതിനുള്ളത്.
വെളുത്തുള്ളി കഴിച്ചാലുള്ള ചില ആരോഗ്യഗുണങ്ങള്‍
1.സുഗന്ധവ്യഞ്ജനങ്ങള്‍ ഒരാളുടെ പ്രതിരോധശേഷി വര്‍ദ്ധിപ്പിക്കും. കൂടാതെ ജലദോഷം, പനി എന്നിവയ്ക്കെതിരെ പോരാടാന്‍ സഹായിക്കുകയും ചെയ്യുന്നു.
ചുമ, പനി, ജലദോഷം, അനുബന്ധ രോഗങ്ങള്‍ എന്നിവയില്‍ നിന്ന് മുക്തി നേടാന്‍ പച്ച വെളുത്തുള്ളി സഹായിക്കും. മികച്ച ഫലം ലഭിക്കുന്നതിന് രണ്ട് അല്ലി വെളുത്തുള്ളി ചതച്ച് രാവിലെ കഴിക്കുക.
2.സ്ട്രോക്ക്, ഹൃദയാഘാതം, വിട്ടുമാറാത്ത ഹൃദയസ്തംഭനം എന്നിവയുടെ പ്രധാന കാരണം അനിയന്ത്രിതമായ ഉയര്‍ന്ന രക്തസമ്മര്‍ദ്ദമാണ് .
ഇത് വൃക്കകളെയും ബാധിക്കുകയും പരിശോധിച്ചില്ലെങ്കില്‍ വൃക്ക തകരാറിലാകുകയും ചെയ്യും.
ഹൈപ്പര്‍ടെന്‍ഷന്‍ ഉള്ളവരുണ്ടെങ്കില്‍ വെളുത്തുള്ളി ഭക്ഷണത്തില്‍ ഉള്‍പ്പെടുത്തുക.
3.ചീത്ത കൊളസ്ട്രോള്‍ അല്ലെങ്കില്‍ എല്‍ഡിഎല്‍, നല്ല കൊളസ്ട്രോള്‍ അല്ലെങ്കില്‍ എച്ച്ഡിഎല്‍ എന്നിങ്ങനെ രണ്ട് കൊളസ്ട്രോളുകളാണ് ഉള്ളത്.
എല്‍ഡിഎല്‍ ലെവല്‍ വളരെ കൂടുതലും എച്ച്ഡിഎല്‍ ലെവല്‍ വളരെ കുറവും ആണെങ്കില്‍ അത് ഗുരുതരമായ ആരോഗ്യ പ്രശ്നങ്ങള്‍ക്ക് കാരണമാകും.
വെളുത്തുള്ളി എച്ച്ഡിഎല്‍ ലെവലില്‍ സ്വാധീനം ചെലുത്തുന്നില്ലെങ്കിലും, പഠനങ്ങള്‍ കാണിക്കുന്നത് ഇത് എല്‍ഡിഎല്‍ അളവ് കുറയ്ക്കുന്നു എന്നാണ്.
4.വെളുത്തുള്ളിയില്‍ ഫ്ലേവനോയ്ഡുകള്‍, പോളിഫെനോള്‍സ് തുടങ്ങിയ ആന്റിഓക്‌സിഡന്റുകള്‍ ധാരാളം അടങ്ങിയിട്ടുണ്ട്.
മാത്രമല്ല നിങ്ങളുടെ കോശങ്ങളെ ഓക്‌സിഡേറ്റീവ് സ്ട്രെസില്‍ നിന്ന് സംരക്ഷിക്കാനും കഴിയും.
ക്യാന്‍സര്‍, പ്രമേഹം, അല്‍ഷിമേഴ്സ്, ഹൃദ്രോഗം തുടങ്ങിയ രോഗങ്ങളുടെ സാധ്യത കുറയ്ക്കുന്നു.
5.വെളുത്തുള്ളിയിലെ ആന്റിഓക്‌സിഡന്റുകള്‍ മുഖക്കുരുവിന് കാരണമാകുന്ന ബാക്ടീരിയകളെ നീക്കം ചെയ്യാന്‍ സഹായിക്കും.