രക്തസമ്മർദം നിയന്ത്രിക്കും, ചർമത്തെ സംരക്ഷിക്കും; പാഷൻ ഫ്രൂട്ടിന് ആരോഗ്യ ഗുണങ്ങളേറെ

പോഷകസമൃദ്ധമായ പഴമാണ് പാഷൻ ഫ്രൂട്ട്. ഇതിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്.ഈ പഴത്തിൽ വിറ്റാമിൻ സി 9%, വിറ്റാമിൻ എ 8%, ഇരുമ്പ്, പൊട്ടാസ്യം 2% എന്നിവ അടങ്ങിയിട്ടുണ്ട്.

ഈ പഴത്തിന്റെ കലോറി നിരക്ക് 2 ഗ്രാം നാരിനൊപ്പം 17 ആണ്. നാരുകൾ, വിറ്റാമിൻ സി, വിറ്റാമിൻ എ എന്നിവയെല്ലാം പാഷൻ ഫ്രൂട്ടിൽ ഉണ്ട്.പാഷൻ ഫ്രൂട്ട് ചർമ്മത്തിന്റെ ആരോഗ്യത്തിനും കണ്ണുകളുടെ ആരോഗ്യത്തിനും രോഗപ്രതിരോധ ശക്തി മെച്ചപ്പെടുത്താനും സഹായിക്കും.

വൈറ്റമിൻ സി യും ഇതിൽ ഉണ്ട്. കൂടാതെ പൊട്ടാസ്യം, കാൽസ്യം, അയൺ, ഫൈബർ എന്നിവയും ഫോസ്‌ഫറസ്‌, നിയാസിൻ, വൈറ്റമിൻ ബി 6 എന്നിവയും പാഷൻ ഫ്രൂട്ടിൽ അടങ്ങിയിട്ടുണ്ട്.

പാഷൻ ഫ്രൂട്ടിന്റെ ആരോഗ്യഗുണങ്ങൾ:

1. നാരുകൾ അടങ്ങിയ ഭക്ഷണക്രമം ദഹനപ്രക്രിയയെ സഹായിക്കുകയും മലബന്ധം ഒഴിവാക്കുകയും ചെയ്യും. പാഷൻ ഫ്രൂട്ടിൽ ലയിക്കുന്നതും ലയിക്കാത്തതുമായ നാരുകൾ അടങ്ങിയിട്ടുണ്ട്. ഇത് മലവിസർജ്ജനം മെച്ചപ്പെടുത്തുന്നതിനും മലബന്ധം തടയുന്നതിനും സഹായിക്കുന്നു.

2.ഇതിൽ പൈറ്റോ ന്യൂട്രിയന്റ് അടങ്ങിയിട്ടുണ്ട്. ഇത് ചർമ്മത്തിന്റെ ആരോഗ്യത്തെ സഹായിക്കുകയും മെച്ചപ്പെടുത്തുകയും ചെയ്യുന്നു. പാഷൻ ഫ്രൂട്ടിൽ വിറ്റാമിൻ എ അടങ്ങിയിട്ടുണ്ട്.

ഇത് ആരോഗ്യകരമായ ചർമ്മകോശങ്ങളുടെ ഉത്പാദനം പ്രോത്സാഹിപ്പിക്കുകയും ഉറച്ചതും ആരോഗ്യമുള്ളതുമായ ചർമ്മം നിലനിർത്തുകയും ചെയ്യുന്നു.

3.നാരുകളുടെ സമൃദ്ധിയും ഗ്ലൈസെമിക് ഇൻഡക്‌സിൽ കുറവും ഉള്ളതിനാൽ പാഷൻ ഫ്രൂട്ട് പ്രമേഹരോഗികൾ തിരഞ്ഞെടുക്കുന്ന പഴങ്ങളിൽ ഒന്നാണ്. ലയിക്കുന്ന ഫൈബർ പെക്റ്റിൻ അമിതമായി ഭക്ഷണം കഴിക്കുന്നത് തടയുന്നു.

4.ശരീരത്തിലെ രക്തസമ്മർദ്ദം നിയന്ത്രിക്കുന്നതിലും രക്തസമ്മർദ്ദം നിയന്ത്രിക്കാനും ഇത് സഹായിക്കുന്നു. പാഷൻ ഫ്രൂട്ടിൽ മഗ്നീഷ്യം ധാരാളം ഉണ്ട്. ഇത് മാനസിക പിരിമുറുക്കം കുറയ്ക്കാനും ഉത്ക്കണ്ഠ അകറ്റാനും സഹായിക്കുന്നു.