/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/95f89e6f7e036274fc4c0f8306c1e123dc9e0f66632ed55e001eb28216e9dda3.jpg)
കരളില്‍ കൊഴുപ്പ് അടിഞ്ഞുകൂടുന്നതും അവയവത്തെ തകരാറിലാക്കുകയും ഗുരുതരമായ സങ്കീര്‍ണതകളിലേക്ക് നയിക്കുകയും ചെയ്യുന്നതാണ് ഫാറ്റി ലിവര്‍ രോഗം. അമിതവണ്ണം, കൊഴുപ്പ് കൂടിയ ഭക്ഷണക്രമം, ഉയര്‍ന്ന മദ്യപാനം, പ്രമേഹം എന്നിവ അപകട ഘടകങ്ങളില്‍ ഉള്‍പ്പെടുന്നു. എന്നാല്‍ ഫാറ്റി ലിവര്‍ രോഗ സാധ്യത കുറയ്ക്കുന്നതിനായി ഡയറ്റില്‍ ഉള്‍പ്പെടുത്തേണ്ട ചില പഴങ്ങളെ പരിചയപ്പെടാം...
ആപ്പിള്‍:
ആപ്പിളിന് ആന്റി - ഇന്‍ഫ്‌ലമേറ്ററി ഗുണങ്ങളുണ്ട്. ഇത് കരളിനെ ഫാറ്റി ലിവറില്‍ നിന്ന് സംരക്ഷിക്കുന്നു. ആപ്പിളില്‍ അടങ്ങിയിരിക്കുന്ന പോളിഫെനോളുകള്‍ കരളിന്റെ സെറം, ലിപിഡ് എന്നിവയുടെ അളവ് നിയന്ത്രണത്തിലാക്കുന്നു. ആപ്പിളില്‍ പെക്റ്റിന്‍, മാലിക് ആസിഡ് എന്നിവ അടങ്ങിയിട്ടുണ്ട്. ഇത് വിഷവസ്തുക്കളെയും അര്‍ബുദങ്ങളെയും നീക്കം ചെയ്യാന്‍ സഹായിക്കുന്നു.
അവക്കാഡോ:
നോണ്‍-ആല്‍ക്കഹോളിക് ഫാറ്റി ലിവര്‍ ഡിസീസ് ഉള്ളവര്‍ പതിവായി അവാക്കാഡോ കഴിക്കുക. ഇത് കൊഴുപ്പ് അല്ലെങ്കില്‍ രക്തത്തിലെ ലിപിഡ് കുറയ്ക്കാനും കരള്‍ കേടുപാടുകള്‍ തടയാനും സഹായിക്കും. അവോക്കാഡോകളില്‍ ഗ്ലൂട്ടത്തയോണ്‍ ധാരാളം അടങ്ങിയിട്ടുണ്ട്.
സരസഫലങ്ങള്‍:
ബ്ലൂബെറി, റാസ്‌ബെറി, ക്രാന്‍ബെറി എന്നിവയുള്‍പ്പെടെയുള്ള സരസഫലങ്ങളില്‍ പോളിഫെനോള്‍സ് എന്ന ആന്റിഓക്സിഡന്റുകള്‍ അടങ്ങിയിട്ടുണ്ട്. ഇത് കരളിനെ കേടുപാടുകളില്‍ നിന്ന് സംരക്ഷിക്കാന്‍ സഹായിക്കും.
പപ്പായ:
ശക്തമായ ആന്റിഓക്സിഡന്റായ വിറ്റാമിന്‍ സിയുടെ സമ്പന്നമായ ഉറവിടമാണ് പപ്പായ. ഇതുകൂടാതെ, പപ്പായയില്‍ പൈറോലോക്വിനോലിന്‍ ക്വിനോണ്‍ (പിക്യുക്യു) എന്ന സംയുക്തവും അടങ്ങിയിട്ടുണ്ട്.
കിവിപ്പഴം:
കിവിപ്പഴത്തില്‍ വിറ്റാമിന്‍ കെ അടങ്ങിയിട്ടുണ്ട്. ഇത് രക്തം കട്ടപിടിക്കുന്നതില്‍ പങ്ക് വഹിക്കുന്നു. മാത്രമല്ല ശരീരം വിറ്റാമിന്‍ ഡി ആഗിരണം ചെയ്യാനും സഹായിക്കും. കിവിയില്‍ പ്രോട്ടീനുകളെ ദഹിപ്പിക്കാന്‍ സഹായിക്കുന്ന എന്‍സൈം അടങ്ങിയിട്ടുണ്ട്. കിവിപ്പഴം വൃക്കയിലെ കല്ലുകള്‍ തടയാന്‍ സഹായിക്കും.