/kalakaumudi/media/post_banners/6cd232e151965c8d2262d4c531c6f09c25e5a8bbdc2cb86c505b482be33c76aa.jpg)
മധുര പാനീയങ്ങള് വിവിധ ആരോഗ്യപ്രശ്നങ്ങള്ക്ക് കാരണമാകും. മധുര പാനീയങ്ങളില് മിക്കതും കോണ് സിറപ്പ്, മാള്ട്ടോസ് സുക്രോസ് തുടങ്ങിയ വിവിധതരം പഞ്ചസാരകള് കൊണ്ടാണ് നിര്മ്മിക്കുന്നത്. ഹൃദ്രോഗം, വൃക്കരോഗം, പല്ലിന്റെ അറകള് തുടങ്ങിയ ആരോഗ്യപ്രശ്നങ്ങളുമായി മധുര പാനീയങ്ങളുടെ ഉപയോഗം ബന്ധപ്പെട്ടിരിക്കുന്നു. എന്നാല്, മധുര പാനീയങ്ങള് മുടികൊഴിച്ചിലിനും കാരണമാകുമെന്നാണ് പഠനങ്ങള് പറയുന്നത്.
' മധുര പാനീയങ്ങളുടെ അമിത ഉപഭോഗം പുരുഷന്മാരിലെ മുടി കൊഴിച്ചിലുമായി അടുത്ത ബന്ധപ്പെട്ടിരിക്കുന്നു. ഉയര്ന്ന പഞ്ചസാര രക്തചംക്രമണം മോശമാക്കുന്നു. ഇത് രോമകൂപങ്ങളെ ഉത്തേജിപ്പിക്കുന്നതില് പരാജയപ്പെടുകയും രോമകൂപങ്ങള്ക്ക് ആവശ്യമായ പോഷകങ്ങള് ലഭിക്കാതിരിക്കുകയും ചെയ്യുന്നു. ഇത് മുടിയുടെ വേരുകള് ദുര്ബലമാകുന്നതിന് കാരണമാകുന്നു. ഭക്ഷണത്തിലെ അമിതമായ പഞ്ചസാര തലയോട്ടിയിലെ വീക്കം ഉണ്ടാക്കുന്നു. ഇക്കാരണത്താല്, തലയോട്ടിയിലെ താപനില ഗണ്യമായി കുറയുകയും മുടിക്ക് കേടുപാടുകള് വരുത്തുകയും മുടികൊഴിച്ചില് / അലോപ്പീസിയ എന്നിവയ്ക്ക് കാരണമാവുകയും ചെയ്യും...'- ബംഗ്ലൂരുവിലെ ഡെര്മറ്റോളജിസ്റ്റ് ഡോ. ഷിറീന് ഫുര്ട്ടാഡോ പറഞ്ഞു.
അതിനാല് മുടികൊഴിച്ചില് കുറയ്ക്കുന്നതിന് ഉയര്ന്ന മധുരപലഹാരങ്ങളുടെ ഉപഭോഗം കുറയ്ക്കുക അല്ലെങ്കില് അവ മിതമായ അളവില് കഴിക്കണമെന്ന് ഡോ.ഷിറീന് പറയുന്നു. ഇനി പഞ്ചസാര പ്രേമികളാണെങ്കില് തേന് പോലുള്ള പ്രകൃതിദത്ത മാര്ഗങ്ങള് കഴിവതും പരീക്ഷിക്കുക.
മള്ട്ടിവിറ്റാമിനുകള്, വിറ്റാമിന് സി, സിങ്ക്, ഇരുമ്പ് എന്നിവ അടങ്ങിയ സമീകൃതാഹാരം ശീലമാക്കുക. കൊഴുപ്പും വറുത്ത ഭക്ഷണങ്ങളും അടങ്ങിയ ഉയര്ന്ന കലോറി ഭക്ഷണക്രമം ഒഴിവാക്കുക. സീസണല് പഴങ്ങളും പച്ചക്കറികളും കഴിക്കുക, പ്രോട്ടീന് അടങ്ങിയ ഭക്ഷണങ്ങള് ധാരാളം കഴിക്കുക.
മധുര പാനീയങ്ങള്, സോഡ എന്നിവ കുടിക്കുന്നതിലൂടെ കരള് രോഗങ്ങള് ഉണ്ടാകാനുള്ള സാധ്യത വളരെ കൂടുതലാണെന്ന് പഠനം. . യുഎസിലെ ജോണ് ഹോപ്പ്കിന്സ് ബ്ലൂംബര്ഗ് സ്കൂള് ഓഫ് പബ്ലിക്ക് ഹെല്ത്തിലെ ഗവേഷകരാണ് പഠനം നടത്തിയത്. സ്ഥിരമായി മധുരപാനീയങ്ങള് ഉപയോഗിക്കുന്നവരില് അവരുടെ തലച്ചോറിന്റെ പ്രവര്ത്തനം മന്ദഗതിയിലായിരിക്കുമെന്നും ഗവേഷകര് പറയുന്നു.