ലോകാരോഗ്യ ദിന പ്രമേയം: 'എല്ലാവര്‍ക്കും ആരോഗ്യം'

വര്‍ഷം തോറും ഏപ്രില്‍ 7 ലോക ലോകാരോഗ്യ ദിനമായി ആചരിക്കുന്നു. നല്ല ആരോഗ്യം, ക്ഷേമം എന്നിവയുടെ പ്രാധാന്യത്തെക്കുറിച്ചുള്ള അവബോധം വളര്‍ത്തുകയാണ് ഈ ദിനത്തിന്റെ ലക്ഷ്യം. എല്ലാവര്‍ക്കും ഗുണമേന്മയുള്ള ആരോഗ്യ പരിരക്ഷാ സേവനങ്ങള്‍ ലഭ്യമാണെന്ന് ഉറപ്പാക്കാന്‍ വ്യക്തികളും കമ്മ്യൂണിറ്റികളും ഗവണ്‍മെന്റുകളും നടപടിയെടുക്കേണ്ടതിന്റെ ആവശ്യകത ഈ ദിനം ഉയര്‍ത്തിക്കാട്ടുന്നു.

ലോകാരോഗ്യ ദിനത്തിന്റെ തീം എല്ലാ വര്‍ഷവും മാറുന്നു. 2020-ല്‍, ആരോഗ്യ പരിപാലന സേവനങ്ങള്‍ നല്‍കുന്നതില്‍ നഴ്സുമാരും മിഡ്വൈഫുമാരും വഹിക്കുന്ന പ്രധാന പങ്ക് തിരിച്ചറിയുന്നതിന് ''നഴ്സുമാരെയും മിഡ്വൈഫുകളെയും പിന്തുണയ്ക്കുക'' എന്നതായിരുന്നു തീം.

കോവിഡ് 19 മഹാമാരിയില്‍ ആഗോള ആരോഗ്യത്തിന്റെ പ്രാധാന്യവും ശക്തമായ ആരോഗ്യ പരിപാലന സംവിധാനങ്ങളുടെ ആവശ്യകതയും എടുത്തുകാണിച്ചു, 2021-ലെ ലോകാരോഗ്യ ദിനം. അടുത്ത വര്‍ഷം തീം 'നമ്മുടെ ഗ്രഹം, നമ്മുടെ ആരോഗ്യം' ആയിരുന്നു.

2023 ലെ ലോകാരോഗ്യ ദിന പ്രമേയം 'എല്ലാവര്‍ക്കും ആരോഗ്യം' എന്നതാണ്. ലോകാരോഗ്യ സംഘടനയുടെ 75-ാം വാര്‍ഷികം കൂടിയാണ്.