'ആദ്യം ചില തടിപ്പുകള്‍ പ്രത്യക്ഷപ്പെട്ടു; ഫുള്‍സ്ലീവ് ഇട്ട് ഞാന്‍ അത് മറച്ചു വെച്ചു'

മുംബൈ: വിവാദ ചിത്രമായ ദ കേരള സ്റ്റോറിയിലെ നായിക ആദാ ശര്‍മ്മയെ ആശുപത്രിയില്‍ പ്രവേശിപ്പിച്ചു. ഇതിന് പിന്നാലെ തന്റെ ആരോഗ്യ നിലയുമായി ബന്ധപ്പെട്ട് സോഷ്യല്‍ മീഡിയ പോസ്റ്റ് ഇട്ടിരിക്കുകയാണ് താരം.

തന്റെ ശരീരത്തിന്റെ ചില ഭാഗങ്ങളില്‍ തടിപ്പ് കാണുന്നുണ്ടെന്നും ചികിത്സയിലാണെന്നും നടി സോഷ്യല്‍ മീഡിയ പോസ്റ്റിലൂടെ അറിയിച്ചു. ശരീരത്തിലുള്ള അലര്‍ജിയുടെ ഫോട്ടോകളും ആദാ ശര്‍മ്മ പോസ്റ്റ് ചെയ്തിട്ടുണ്ട്.

"എന്നെക്കുറിച്ച് അന്വേഷിച്ചവര്‍ക്ക് നന്ദി, ഈ ചിത്രങ്ങള്‍ സൈ്വപ്പ് ചെയ്യരുത്, അവ അല്‍പ്പം ഭയപ്പെടുത്തുന്നതാണ്. പക്ഷേ ഇന്‍സ്റ്റാഗ്രാമില്‍ നല്ല ഫോട്ടോകള്‍ മാത്രമായി പങ്കിടരുതെന്ന് ഞാന്‍ കരുതി.

കുറച്ച് ദിവസങ്ങളായി എനിക്ക് അസുഖമാണ്. ആദ്യം ശരീരത്തില്‍ ചില തടിപ്പുകള്‍ പ്രത്യക്ഷപ്പെട്ടത്, ഫുള്‍സ്ലീവ് ഇട്ട് ഞാന്‍ അത് മറച്ചു വെച്ചിരുന്നു, അധികം വൈകാതെ അത് മുഖത്ത് തെളിഞ്ഞു തുടങ്ങി.

അപ്പോള്‍ ഞാന്‍ മരുന്ന് കഴിച്ചു. എന്നാല്‍ എനിക്ക് മരുന്നിനോട് അലര്‍ജിയുണ്ടെന്ന് മനസ്സിലായി.എനിക്ക് ഓക്കാനം വന്നു. ശരീരത്തില്‍ തടിപ്പ് കൂടി. ആയുര്‍വേദ ചികിത്സയാണ് പിന്നീട് തിരഞ്ഞെടുക്കുന്നത്.

അതിനായി കുറച്ചുകാലത്തേക്ക് ആരോഗ്യകാര്യങ്ങളില്‍ ശ്രദ്ധ കേന്ദ്രീകരിക്കാന്‍ സോഷ്യല്‍ മീഡിയയില്‍ നിന്നും അടക്കം വിട്ടു നില്‍ക്കുകയാണ്' - അദ ശര്‍മ്മ കുറിച്ചു.

അമ്മയോട് ആരോഗ്യം ശ്രദ്ധിക്കുമെന്ന് ഞാന്‍ വാക്ക് നല്‍കിയിട്ടുണ്ട്. നാളെ മുതല്‍ ഞാന്‍ കുറച്ച് ദിവസത്തേക്ക് ചികില്‍സയ്ക്ക് പോകുകയാണ്. റേഡിയോ ട്രെയിലുകള്‍, സൂം അഭിമുഖങ്ങള്‍, പ്രൊമോ ഷൂട്ടുകള്‍ എന്നിവയ്ക്ക് പകരം ആരോഗ്യത്തില്‍ ശ്രദ്ധ കേന്ദ്രീകരിക്കാന്‍ എന്റെ അമ്മ എന്നോട് പറഞ്ഞിട്ടുണ്ട്.

ഞാന്‍ ഉടനെ തിരിച്ചുവരും. അതുവരെ പുതിയ സീരിസ് കമാന്‍ഡോയുടെ ദൃശ്യങ്ങള്‍ ഇന്‍സ്റ്റാഗ്രാമില്‍ അപ്‌ഡേറ്റ് ചെയ്തുകൊണ്ടേയിരിക്കും എന്നും ആദ ശര്‍മ്മ പറഞ്ഞു.