മലചവിട്ടുന്നതിനിടെ ദേഹാസ്വാസ്ഥ്യം; പിന്നാലെ കുഴഞ്ഞുവീണു; ശബരിമലയില്‍ 12 കാരിക്ക് ദാരുണാന്ത്യം

എരുമേലി: ശബരിമലയില്‍ 12 വയസ്സുകാരി കുഴഞ്ഞുവീണു മരിച്ചു. തമിഴ്‌നാട് സ്വദേശിനിയായ പത്മശ്രീയാണ് മരിച്ചത്.

ശനിയാഴ്ച ഉച്ചയ്ക്കാണ് സംഭവം. അപ്പാച്ചിമേട്ടില്‍ വച്ച് ദേഹാസ്വാസ്ഥ്യം അനുഭവപ്പെട്ടു. തുടര്‍ന്ന് കുഴഞ്ഞുവീഴുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും മരിച്ചു.

കുട്ടിക്ക് ഹൃദയസംബന്ധമായ അസുഖങ്ങളുണ്ടായിരുന്നു എന്നാണ് വിവരം. മൃതദേഹം പമ്പ ജനറല്‍ ആശുപത്രിയില്‍.