/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/036568992e8858791d2eaf8caa32aef824673f9f2567ba94636735823510abba.jpg)
കനേഡിയന്‍ പ്രവിശ്യയായ നോവ സ്‌കോട്ടിയയിലെ ഹാലിഫാക്‌സിലെ ഒരു ഹോട്ടല്‍ വേറിട്ട മാര്‍ഗത്തിലൂടെ പുതിയ സ്ഥലത്തേക്ക് മാറ്റി സ്ഥാപിച്ചു. തകര്‍ച്ചയുടെ വക്കിലെത്തിയ നൂറ്റാണ്ടുകളുടെ പഴക്കമുള്ള വിക്ടോറിയ എലംവുഡ് ഹോട്ടല്‍ ആണ് ഇപ്പോള്‍ മാറ്റി സ്ഥാപിച്ചത്.
700 സോപ്പ് ബാറുകളാണ് ഹോട്ടല്‍ മാറ്റി സ്ഥാപിക്കാന്‍ ഉപയോഗിച്ചിരിക്കുന്നത്. വിക്ടോറിയന്‍ രത്‌നമുള്ള ഇരുമ്പകം കൊണ്ട് ഉണ്ടാക്കിയ കെട്ടിടം സംരക്ഷിക്കപ്പെടുന്നുണ്ടെങ്കിലും ഇവ രൂപകല്‍പന ചെയ്തതിലെ പ്രശ്‌നങ്ങള്‍ ഉള്ളതുകൊണ്ട് ഇതിന് നൂതനമായ പരിഹാരം കാണാനാണ് കെട്ടിടം മാറ്റി സ്ഥാപിക്കുന്നത്.
1826 ല്‍ പണിത കെട്ടിടം പിന്നീട് വിക്ടോറിയ എലംവുഡ് ഹോട്ടലാക്കി മാറ്റുകയായിരുന്നു. ഈ കെട്ടിടം 2018 ല്‍ തകര്‍ച്ച നേരിട്ടിരുന്നുവെങ്കിലും
ഗാലക്‌സി പ്രോപ്പര്‍ട്ടീസ് എന്ന കമ്പനി മുന്നോട്ട് വന്ന് ഈ കെട്ടിടം വാങ്ങുകയായിരുന്നു.
ഈ കെട്ടിടം മറ്റൊരിടത്തേക്ക് മാറ്റാനും ഇതിനെ മറ്റൊരു അപാര്‍ട്ട്‌മെന്റ് കെട്ടിടവുമായി ബന്ധിപ്പിക്കുന്നതിന് വേണ്ടിയാണ് അവര്‍ വിക്ടോറിയ എലംവുഡ് ഹോട്ടല്‍ വാങ്ങിയത്.
220 ടണ്‍ ഭാരമുള്ള കെട്ടിടമാണ് എലംവുഡ്. എസ് റഷ്ടണ്‍ കണ്‍സ്ട്രക്ഷന്‍ ആണ് കെട്ടിടം മാറ്റുന്ന ശ്രമകരമായ ദൗത്യം ഏറ്റെടുത്തത്. ഇവര്‍ കെട്ടിടം മാറ്റുന്നതിന്റെ വീഡിയോയും ഫെയ്‌സ്ബുക്കില്‍ പങ്കുവെച്ചിട്ടുണ്ട്.
പരമ്പരാഗത റോളറുകള്‍ ഉപയോഗിക്കുന്നതിന് പകരം, ദന്ത നിര്‍മ്മിതമായ സോപ്പ് ഉപയോഗിക്കാന്‍ സംഘം തീരുമാനിച്ചു. മൃദുവായ സോപ്പ് ബാറുകളിലൂടെ കെട്ടിടത്തെ സുഗമമായി നീങ്ങാന്‍ സാധിച്ചു. രണ്ട് എക്സ്‌കവേറ്ററുകളും ഒരു ടോ ട്രക്കുമാണ് കെട്ടിടം മാറ്റുന്നത്.