/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/06e3116a20bbe857c051408f499eec675fcac763114fcbca8fbca832630ad962.jpg)
ബംഗളൂരു: തദ്ദേശീയമായി നിര്‍മ്മിച്ച തേജസ് യുദ്ധവിമാനത്തില്‍ സഞ്ചരിച്ച് പ്രധാനമന്ത്രി നരേന്ദ്രമോദി. തേജസ് യുദ്ധവിമാനത്തിലുണ്ടായ യാത്രാനുഭവവും മോദി എക്‌സ് പ്ലാറ്റ്‌ഫോമില്‍ പങ്കുവെച്ചിരുന്നു. രാജ്യത്തിന്റെ കഴിവുകളില്‍ തന്റെ ആത്മവിശ്വാസം വര്‍ധിക്കുന്നതായി അദ്ദേഹം പറഞ്ഞു.
'യാത്രാനുഭവം പങ്കുവക്കാന്‍ സാധിക്കുന്നതിലും അപ്പുറമാണ്. പ്രതിരോധ നിര്‍മ്മാണ രംഗത്തെ രാജ്യത്തിന്റെ കഴിവിലുള്ള തന്റെ വിശ്വാസം വര്‍ധിപ്പിക്കുന്നു. രാജ്യത്തിന്റെ പര്യാപ്തതയില്‍ അഭിമാനം പകരുന്നതായിരുന്നു യാത്ര.
ഇന്ത്യന്‍ എയര്‍ഫോഴ്സിനും ഡിആര്‍ഡിഒയ്ക്കും എച്ച്എഎല്ലിനും ഒപ്പം എല്ലാ ഇന്ത്യക്കാര്‍ക്കും ഹൃദയം നിറഞ്ഞ അഭിനന്ദനങ്ങള്‍'- മോദി എക്സില്‍ കുറിച്ചു.ഹിന്ദുസ്ഥാന്‍ എയ്‌റോനോട്ടിക്‌സാണ് തേജസ് നിര്‍മ്മിച്ചത്.
എച്ച്എഎല്‍ 2001 മുതല്‍ ഇതുവരെ ഏകദേശം 50 ലധികം
തേജസ് യുദ്ധവിമാനങ്ങള്‍ നിര്‍മ്മിച്ച് നല്‍കിയിട്ടുണ്ട്. ഒരാഴ്ച മുന്‍പ് പ്രതിരോധമന്ത്രി രാജ്നാഥ് സിങ്ങും തേജസ് വിമാനത്തില്‍ യാത്ര ചെയ്തിരുന്നു.