/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/1ab42230c6dd4f0bce6a3a20fe76a79dacf66b19218d8f5412e8671956bf09a9.jpg)
തിരുവനന്തപുരം: ചൈനയില്‍ നിന്ന് വിഴിഞ്ഞം തുറമുഖത്ത് എത്തിയ ആദ്യ കപ്പലിലെ ക്രെയിനുകള്‍ ഇറക്കുന്നതില്‍ അനിശ്ചിതത്വം. കപ്പലിലെ ജീവനക്കാരായ ചൈനീസ് പൗരന്മാര്‍ക്ക് ബര്‍ത്തിലേക്ക് ഇറങ്ങാന്‍ കേന്ദ്രസര്‍ക്കാരിന്റെ അനുമതി ലഭിക്കാത്തതാണ് ഇതിന് കാരണം.
ഇമിഗ്രേഷന്‍ ക്ലിയറന്‍സിന് വേണ്ടി അദാനി ഗ്രൂപ്പും സംസ്ഥാന സര്‍ക്കാരും സമ്മര്‍ദ്ദം ശക്തമാക്കിയിട്ടുണ്ട്. തിങ്കളാഴ്ച മുതല്‍ ഷെന്‍ ഹുവയില്‍ നിന്ന് ക്രെയിനുകള്‍ ഇറക്കാനുള്ള ജോലി തുടങ്ങുമെന്നാണ് ആദ്യം അറിയിച്ചിരുന്നത്.
12 ചൈനീസ് ജീവനക്കാരാണ് ഷാങ് ഹായ് പിഎംസിയുടെ കപ്പലിലുള്ളത്. ഇവര്‍ക്ക് ഇതുവരെയും ഇന്ത്യയില്‍ ഇറങ്ങാനുള്ള ഇമിഗ്രേഷന്‍ ക്ലിയറന്‍സ് ലഭിച്ചിട്ടില്ല. ക്രെയിന്‍ ഇറക്കുന്ന ജോലികള്‍ ബര്‍ത്തില്‍ നിന്ന് നിയന്ത്രിക്കാന്‍ ഷാങ് ഹായ് പിഎംസിയുടെ 60 വിദഗ്ദര്‍ മുംബൈയില്‍ നിന്ന് എത്തിയിരുന്നു.