ദുബായ് - സൂറത്ത് സർവീസ് ആരംഭിച്ച് എയർ ഇന്ത്യ എക്സ്പ്രസ്

ദുബായ് : ദുബായ് - സൂറത്ത് റൂട്ടിൽ വിമാന സർവീസ് ആരംഭിച്ച് എയർ ഇന്ത്യ എക്സ്പ്രസ്.സൂറത്ത് വിമാനത്താവളത്തിന് രാജ്യാന്തര പദവി നൽകിയതിനു പിന്നാലെയാണ് പുതിയ തുടക്കം. ഞായറാഴ്ച സൂറത്തിൽ നിന്ന് 171 യാത്രക്കാരുമായി ആദ്യ വിമാനം ദുബായ് രാജ്യാന്തര വിമാനത്താവളത്തിൽ ഇറങ്ങി.

ദുബായിലേക്ക് ആഴ്ചയിൽ 4 സർവീസും ഷാർജയിലേക്ക് 5 സർവീസുമാണ് എയർ ഇന്ത്യ എക്സ്പ്രസ് നടത്തുക.അവാർഡ് വിന്നിംങ് ആപ്പ് വഴിയും വെബ്‌സൈറ്റ് വഴിയും മറ്റ് പ്രധാന ബുക്കിംഗ് പ്ലാറ്റ്‌ഫോമുകൾ വഴിയും ബുക്കിംഗ് നടത്താം.ഷാർജ, ദുബായ് എന്നിവയ്ക്ക് പുറമേ, ഡൽഹി, ബാംഗ്ലൂർ, കൊൽക്കത്ത എന്നിവിടങ്ങളിലേക്ക് എഐഎക്സ് പ്രതിദിന സർവ്വീസുകൾ നടത്തുന്നുണ്ട്.