/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/812dafc9c908922ac4d11ac446d87ce451e7e22ea416c61fb2611d03179f1a02.jpg)
ഭോപാല്‍: മധ്യപ്രദേശിലെ ഹാര്‍ദയില്‍ പടക്കനിര്‍മാണശാലയിലുണ്ടായ സ്‌ഫോടനത്തില്‍ ആറു പേര്‍ മരിച്ചു. സ്‌ഫോടനത്തില്‍ 60 പേര്‍ക്ക് പരുക്കേറ്റതായാണ് വിവരം. അപകടത്തില്‍ ഗുരുതരമായി പരുക്കേറ്റവരെ സമീപത്തെ ആശുപത്രികളില്‍ പ്രവേശിപ്പിച്ചു. അതിതീവ്ര സ്‌ഫോടനമാണ് ഉണ്ടായതെന്നും സമീപപ്രദേശത്തേക്ക് പ്രകമ്പനം വ്യാപിച്ചെന്നും പ്രദേശവാസികള്‍ അറിയിച്ചു. അഗ്‌നിശമനസേനാ യൂണിറ്റുകള്‍ സ്ഥലത്തെത്തി തീ നിയന്ത്രണവിധേയമാക്കി. സംഭവം നടന്ന സമയത്ത് 150 ജീവനക്കാര്‍ ഫാക്ടറിയില്‍ ഉണ്ടായിരുന്നതായി അധികൃതര്‍ അറിയിച്ചു.
മധ്യപ്രദേശ് മുഖ്യമന്ത്രി മോഹന്‍ യാദവ് അധികൃതരോട് സംഭവത്തിന്റെ വിശദാംശങ്ങള്‍ ആവശ്യപ്പെട്ടു. അപകടത്തില്‍ ഗുരുതരമായി പരുക്കേറ്റവരെ ചികിത്സിക്കാന്‍ എല്ലാ സജ്ജീകരണങ്ങളും തയാറാക്കാന്‍ ഭോപാലിലെയും ഇന്‍ഡോറിലെയും മെഡിക്കല്‍ കോളജുകള്‍ക്ക് നിര്‍ദേശം നല്‍കിയതായും മുഖ്യമന്ത്രി അറിയിച്ചു.