/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/795982828f2cb238811be67241afff98efb7ad8113628c125c6d5b956f18e7ff.jpg)
തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാന്‍ ഗവര്‍ണര്‍ പദവിലിരിക്കാന്‍ അര്‍ഹനല്ലെന്ന് സിപിഎം പോളിറ്റ് ബ്യൂറോ.
തിരഞ്ഞെടുക്കപ്പെട്ട സംസ്ഥാന സര്‍ക്കാരിനെതിരായ നിരന്തരമായ രാഷ്ട്രീയ ആക്രമണങ്ങളിലൂടെയും ക്രമരഹിതമായ പെരുമാറ്റത്തിലൂടെയും ഗവര്‍ണര്‍ എല്ലാ അതിരുകളും ലംഘിച്ചുവെന്നും പോളിറ്റ് ബ്യൂറോ വ്യക്തമാക്കി. സംസ്ഥാനത്ത് ഭരണഘടനാ സംവിധാനത്തിന്റെ തകര്‍ച്ചയുടെ തുടക്കമാണ് എന്ന അദ്ദേഹത്തിന്റെ പ്രസ്താവനയാണ് ഏറ്റവും പുതിയ ഉദാഹരണം.
സംസ്ഥാന സര്‍ക്കാരിനെതിരെ ഉയരുന്ന ഇത്തരം ഭീഷണികള്‍ സംസ്ഥാനത്തെ ജനങ്ങള്‍ പൂര്‍ണമായും തള്ളിക്കളയും.കേരളത്തിലെയും കാലിക്കറ്റ് സര്‍വ്വകലാശാലകളിലെയും സെനറ്റുകളിലെ നോമിനേറ്റഡ് സീറ്റുകള്‍ ആര്‍എസ്എസ് നോമിനികളെ ഉള്‍പ്പെടുത്തിയതിനും ഈ സര്‍വ്വകലാശാലകളുടെ ചാന്‍സലര്‍ പദവി ദുരുപയോഗം ചെയ്തതിനും ഗവര്‍ണര്‍ വിദ്യാര്‍ത്ഥികളുടെ പ്രതിഷേധം നേരിടുകയാണ്.
സമാധാനപരമായി പ്രതിഷേധിക്കാന്‍ വിദ്യാര്‍ത്ഥികള്‍ക്ക് ജനാധിപത്യപരമായ അവകാശമുണ്ടെങ്കിലും ഈ പ്രതിഷേധങ്ങളുടെ പേരില്‍ മുഖ്യമന്ത്രിയെ കുറ്റപ്പെടുത്താനും അദ്ദേഹത്തെ അപമാനിക്കുന്ന പരാമര്‍ശങ്ങള്‍ നടത്താനും ഗവര്‍ണര്‍ ശ്രമിച്ചു.ഗവര്‍ണര്‍ എന്ന ഭരണഘടനാ പദവി വഹിക്കുന്ന ഒരാള്‍ക്ക് ഇങ്ങനെ പെരുമാറാന്‍ കഴിയില്ല, ആ സ്ഥാനത്ത് തുടരാന്‍ താന്‍ യോഗ്യനല്ലെന്ന് അദ്ദേഹം തെളിയിച്ചുവെന്നും സിപിഎം പോളിറ്റ് ബ്യൂറോ പുറത്തിറക്കിയ പ്രസ്താവനയില്‍ പറയുന്നു.