ദേശാഭിമാനി ചീഫ് ഫോട്ടോഗ്രാഫര്‍ പ്രവീണ്‍ കുമാര്‍ അന്തരിച്ചു

കോഴിക്കോട്: ദേശാഭിമാനി ചീഫ് ഫോട്ടോഗ്രാഫര്‍ കീഴ്പ്പയൂര്‍ കണ്ണമ്പത്ത് കണ്ടി പ്രവീണ്‍ കുമാര്‍ അന്തരിച്ചു. 47 വയസ്സായിരുന്നു. ഹൃദയാഘാതത്തെ തുടര്‍ന്ന് കോഴിക്കോട് സ്വകാര്യ ആശുപത്രിയില്‍ ചികിത്സയിലിരിക്കെ പുലര്‍ച്ചെ 1.15 നാണ് മരിച്ചത്.

കോഴിക്കോട്, കണ്ണൂര്‍, തിരുവനന്തപുരം, പാലക്കാട്, കൊച്ചി എന്നിവിടങ്ങളില്‍ അദ്ദേഹം ജോലി ചെയ്തു. നിലവില്‍ തൃശൂര്‍ യൂണിറ്റിലാണ്.അദ്ദേഹം ജി വി രാജ സ്‌പോര്‍ട്ട്‌സ് ഫോട്ടോഗ്രാഫി അടക്കം നിരവധി അവാര്‍ഡുകള്‍ സ്വന്തമാക്കിയിട്ടുണ്ട്.

അച്ഛന്‍ പരേതനായ കുഞ്ഞിക്കണ്ണന്‍ മാസ്റ്റര്‍. അമ്മ: സുപ്രഭ ടീച്ചര്‍ (മേപ്പയൂര്‍ പഞ്ചായത്ത് മുന്‍ പ്രസിഡന്റ്), ഭാര്യ: ഡോ. രത്‌നകുമാരി (ഡിഎംഒ ഹോമിയോപ്പതി). മക്കള്‍: പാര്‍വ്വതി (എം ബി ബി എസ് വിദ്യാര്‍ത്ഥിനി, റഷ്യ), അശ്വതി (പ്ലസ് ടു വിദ്യാര്‍ത്ഥിനി).